JɔnN Deesi 3:7 - Tampulma

⁷ “Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.

JɔnN Deesi 3:7 Iomraidhean Croise

Mat. 16:19

N zi kpa Koosa koor ti saafibisa a nyɛ mau. Kin nawara i kpa chiŋsi tɛɛnɛ nɔ maga ni di nara tiŋ, a zi chiŋi Koosa tɔhɔn ti gbanko niu. Kin nawara i vɛ kpa chiŋsi tɛɛnɛ nɔ maga ni, a wa zi chiŋi dooni.”

Mat. 24:35

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

Maak 1:24

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yau. Mu zimu di i ya tu chaan tiinne. I ya Koosa bere.”

Luk 1:32

O zi wa ya nibin zenu kinkan. O zi ya Koosa zen beu. Ya kunyana Koosa zi vɔu un koorau, a chi chenani o fun vɔu o nawaal Devid saha digi chen.

Luk 4:34

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yaa? Min zim di i ya tu chaan tiina. I ya Koosa bere.”

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Tuma 3:14

Ma ka fun sumi un di o kpa nara nikpuuli a nyɛ ma. Yesu nɔ funɛ ya tum were nitumirɛ ka Koosa fun lisi un di o tiŋ o tutɔ.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

JɔnN Deesi 19:2

Chenani o di nara sɛria deŋlu a ya wuti. O funɛ na sakaal tiina naa zen chenu galimsa a ta un yɔri, domi o funɛ nyɛ tɛɛnɛ nɔ tim maga wa un tum sakaal tumwa. Waa funɛ lɛrgi o diŋna domi o funɛ kpu o tumtumsiwa.”

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.

JɔnN Deesi 21:5

Doone naa funɛ kanɛ a li Koosa jirima bar kani ni, fun ŋɔ min, “Mu naami kina maga kifalɛ.” O fun bu ŋɔ min, “Sɔbi chenani mu kaa ŋɔ hin nan a dau, domi mu sɛma deŋlu a ya wuti.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 6:10

Ba fun tɛsi ta zaŋa a ŋɔ, “Ya kunyana, hin ya tu chaan tiina awa wuti tiina a kpak kina maga kpok. Yɛrɛ o zi vusi ka i di tɛɛnɛ nɔ tim maga sɛria a lɛrgi ba diŋsa chenani ba fun kpu ya chen daha?”