JɔnN Deesi 21:8 - Tampulma

⁸ Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 21:8 Iomraidhean Croise

Mat. 10:28

Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

Mat. 25:25

I funɛ kpa i malɛ ta a nyɛ min chen, hansura fun kpak min. N fun kaali a la hur bɔ a kpa a a sogli dooni. Kina, i malɛ ta nɛɛnɛ mu wati bar nɔ.’

Mat. 8:26

Yesu fun si o do ti ni a pɛɛsi ba, “Yɛrɛ ma ɔm chen ni? Ma se wa su minn?” O fun burgi a ŋɔ pehe ti ni di o chiŋi a ŋɔ ni ti ni di o du balimm. Pehe ti fun chiŋi. Ni ti gbanko fun a du balimm, hali o wa fun a dam tama.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

2 Tɛs. 2:9

Tum tagin tiin ti wa wa, o zi kpa sintana kpoku a tum tum zene awa alaazibu tuma kinkan,

1 Tim. 4:2

Biksi nɔ li nusun tima ba naa la daŋni ba mur nara nɛɛ. O bak ka wu bu to wu were koo wa tagna ni.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

1 Jɔn 2:22

Naa vɛ la nɔɔni di Yesu ya Kristo naa Koosa fun tum chen, o ya nusun tiinnɛ. Naa vɛ Koosa awa o be Yesu, o ya Kristo dɔmnɛ.

1 Jɔn 3:15

Ba naa ha ba dɔŋtima, o chi ba ya nara nikpuulɛwa. Ma zimu di nara nikpuuli wa kpak Koosa mi fali naa vɛ kpak bɔ, ti.

1 Jɔn 5:10

Naa si su Koosa be ti, o be ti sɛhɛra nyɛn un ni, ka o zim o be ti wɛ nɛnɛ. Naa si vɛ su Koosa, waa la ŋɔ di Koosa ya nusun tiinnɛ, domi o wa la nɔɔni a du Koosa sɛhɛra awa o be ti wɛ ni.

JɔnN Deesi 14:10

Koosa na paan kinkan a du ba ni a lɛrgi ba diŋsa. O paan kinkan chi sin kpokre ba vɛ kpa kundɔŋ a pulsi, naa o muksi ba di ba nyɔ. O zi nyɛ ba kpa bau a du din ni di ba namsi kinkan a li piisi be ti awa o malaikasa naa o fun lisi a nyɛ o titi ni suwachak ni.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:2

Mu zim chenani ma bambe duu awa chenani ma kpak un ma bambe ni di ma tum ma tuma wa kanyita ni a ta kuuli. Mu zimu di ma wa kpak wu digi wa ba naa la tum tum tagna ni a zaamsi ba naa ŋɔ di ba ya Koosa wuti nibiksɛwa a na di ba ya nusun timwa.

JɔnN Deesi 21:27

Tum tagna nitumɛ awa ba naa tum chɔkumsi tuma a la suni wɛ, ba wa zi koti a zu dooni. Ba naa ba fun sɔbi ba sɔna a du piisi be ti mi fali tɔn ti ni duŋduŋ la zi zu dooni.

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.

JɔnN Deesi 9:17

Nannɛ mu fun na zaagna nizinɛ ta a chi mu deesi. Ba funɛ laari lugɛ lɛusɛwa ba suwachak ni. A funɛ sɛriu a chi din a vɛɛn sɛri a chi sumin. Zaagni ta nyuuna funɛ chi gbogumta nyuuniwa ka nyɔɔsa naa ya kibilim a chi sumin awa din funɛ li a nɔni ni.

JɔnN Deesi 9:21

Ba yaa funɛ kpu nara a tum luri bilim tuma a daŋni nihaana yɔri yɔri a la ŋmɛ. Tum tagna naa maga ba yaa funɛ tum, ba wa fun gil a a bur tiŋ Koosa.