JɔnN Deesi 21:3 - Tampulma

³ Mu fun nu ta kpok a li Koosa jirima bar kani ni ka o ŋɔ, “Kinu mu wati. Lalaknɔ Koosa awa nibinsa zi lagmi nyɛnu. Ba zi ya o narau ka o ka ya ba Koosa.

JɔnN Deesi 21:3 Iomraidhean Croise

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

2 Kɔr. 6:18

Mu zi ya ma nyanau, ka ma kiya mu bisa. Mu waa, Koosa, naa kpak kina maga kpok, ŋɔ nan.”

1 Tɛs. 3:11

Ya kunyan Koosa awa ya kunyan Yesu wa nyɛ ya nyinbaan, ya zi wa ma watiu.

Ju 11:16

Amaa ba funɛ daŋni ba zu tɔhɔn naa Koosa titi fun sarɛ. Tɔhɔn ti zen kaali pulum naa ba li chen ni kinkan. Koosa tuha sɔɔni di ba yir un ba Koosa. Chendaha o fun saksi ba bar nyɛni a li o tɔhɔn ti ni a nyɛ ba.

Ju 8:10

A wuzu ti wa tel, nannɛ mu wa Ju tim ta zi bu ya nɔ bɛgimu. Mu zi wa kpa mu chiksɛ tau a du ba bambe ni, chen ni ba zi tiŋ a nɔu saha maga. Min la zi wa ya ba Koosa. Ba zi wa ya mu narau.

Ju 8:2

Saha digi Mosis funɛ du lɛurɛ nyabaan ni a purigi un bilɛ, chen ni Koosa zi wa nyɛn dɛ mun niu. Lalaknɔ ya Koosa dam kɔkɔɔra nyɛn wuti lɛu naa Koosa fun du o tɔhɔn ti ni a tum o tuma a li dɛ mun ti ni ya daha.

JɔnN Deesi 10:4

A funɛ tɛsi a peti, mu funɛ daŋni mu sɔbi chenani yɛɛ, amaa ta funɛ ŋɔ min a li Koosa tɔhɔn ti ni a ŋɔ, “Ta sɔbi chenani nasɛhasa nɔpɛ ta sɛmi a dawi. Mu daŋni a sogliu.”

JɔnN Deesi 10:8

Doone ta naa funɛ ŋɔ min a li Koosa tɔhɔn ti ni fun bu ŋɔ min, “La zer tɔn we naa funɛ puk chen a li malaika naa naŋgeri nyɛn ni ni awa jibaŋ ni chen nin ni.”

JɔnN Deesi 12:10

Doone mu fun nu ta kpok a li Koosa tɔhɔn ti ni ka o ŋɔ, “Ya funɛ nyaŋi naa yaa funɛ fiksi ya niinbisa Koosa suwachak niu saha maga a duŋni un a ta. Koosa naa ya ya koor wuti, funɛ kpa Kristo kpok a gbaari o kpok ni a lisi naa la muksi ya chen a li ba bambaan ni.

JɔnN Deesi 21:7

Ba naa maga kpak nɛnɛ hali a la tel o bɔ, mu zi nyɛ ba nyɔ dooniu. Mu zi ya ba Koosau ka ba ka ya mu bisa.

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.