JɔnN Deesi 21:10 - Tampulma

¹⁰ Koosa siim weri ti fun nyɛ malaika ti zer min a la zini bi ziŋziŋi nyuha. O fun biksi min Jɛrusalɛm fali naa Koosa fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga.

JɔnN Deesi 21:10 Iomraidhean Croise

Tuma 8:39

Ba funɛ wa li ni ti ni, ya kunyana Koosa siim weri ti fun vaan zer Filip a kaali, chen ni baal ti wa zi bu na un. Baal ti fun bu zu o loori munzuha ti a la wa tu sɔɔn kinkan ni.

Gal. 4:26

amaa nihaan naa funɛ vɛ ya yom chen, o chi Jɛrusalɛm naa nyɛn Koosa tɔhɔn ti ni chene. Ya waa ya o bisa.

JɔnN Deesi 1:10

Aleedi wuzu digi Koosa siim weri ti fun wa si min ni a nyɛ mu na kin bɔnɛ a chi mu deesi. Mu fun nu ta zaŋa a chi kaabul,

JɔnN Deesi 11:2

Ta maksɛ Koosa bar jɛɛmi dam sali ta, domi ba naa vɛ zim Koosa chen, zi wa zu dooniu a chɔk tɔhɔn naa o fun lisi a nyɛ o titi ni, a val o daha ni pɛn fumnaasi dalɛ ni.

JɔnN Deesi 17:3

Koosa siim weri ti fun nyɛ malaika ti zer min a la nyabaan. Sel zen sɛm naa funɛ kpak nyuuna nɔpɛ awa nyindaasa fi funɛ nyɛn dooni. Ba fun sɔbi sɛm nawara la pini Koosa zoma kidamata a du un ni ka sakaal tiin ti fun zini un.

JɔnN Deesi 21:2

Mu gbanko fun na Koosa tɔhɔn naa o fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga. Ba funɛ yir un Jɛrusalɛm fali, domi o funɛ naami unu di o chiŋi kibuni ti bar chiŋi ni. O funɛ chi chenani nihaan yaa saksi di o yu baal chene.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 4:2

Koosa siim weri ti fun vaan te mu suwachak a nyɛ mu zini a zu. Mu fun nyini a na Koosa jirima bar nyɛni ka nandigi kani dooni.