JɔnN Deesi 20:1 - Tampulma

¹ Doone mu fun na malaika ka o li Koosa tɔhɔn ti a tu wa tɛɛnɛ nɔ maga. O fun kpak zɔgli yuk awa bɔ naa vɛ kpak bar peti bulzɔɔnɔ saafibe a li o nin ni.

JɔnN Deesi 20:1 Iomraidhean Croise

Luk 8:31

Alizin tagni ta fun sumi Yesu di o wa zi tum a a li a bar leli ti ni.

2 Pita 2:4

O funɛ kpa o malaikasa ba naa funɛ tum tum tagna, bɔnɛ a du din dam ni. Waa funɛ nyɛ ba kpa ba a ta birsa bar nyɛni ni hali saha naa Koosa wa wa di o di tɛɛnɛ nɔ tim maga sɛria.

Juud 1:6

Koosa malaikasa ba naa funɛ vɛ o nɔ a li ba bar nyɛni ni, Koosa fun kpak ba a vɔu birsi bar nyɛni ni wa kpok ni hali wuzu zen naa o zi wa di ba sɛria.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 10:1

Doone mu fun nyini a na ka malaika zenzen digi nyɛn dooni, a fun li Koosa tɔhɔn ti. Dobaal funɛ go un ka doonkagla fun go o nyuha. O se funɛ chaaniu a chi nha ka o naŋgere nyiksi a chi din.

JɔnN Deesi 18:1

A gantɛl ni mu fun na malaika digi ka o li Koosa tɔhɔn ti a tu wa tɛɛnɛ nɔ maga. O fun kpak kpok kinkan a nyɛ doon maga chaani.

JɔnN Deesi 20:3

Malaika ti fun kpa un a yo du bɔ naa vɛ kpak bar peti chen ni a kpa saafibe ti a pur bɔ ti zɔɔnɔ a pɛri. O funɛ ya chene, chen ni o wa zi bu koti a mur tɛɛnɛ nɔ tim maga hali bu tusuk ti wa peti. Chen saha ti wa tel, ba zi lisi unu a nyɛ o hiisi tama.