JɔnN Deesi 2:3 - Tampulma

³ Ma di ma namsiu a wa kanyita ni mu daha a vɛ bur mu tiŋi ni,

JɔnN Deesi 2:3 Iomraidhean Croise

Maak 15:21

Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. Waa funɛ ya Alɛzanda awa Rufus nyana, a li kɔha bar boli ni a wa. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Luk 14:27

Nar vɛ saksi di o namsi koo o wa sou mu daha, o wa kikoti a tiŋ min.

Luk 18:1

Doone Yesu fun biksi ba jɛɛgi nɔ, chen ni ba zi sumi Koosa saha maga a ta bur gantɛl.

Luk 21:19

Ma di kanyita a vusi hali namsi ti wa peti, Koosa zi wa la ma nyuunau a nyɛ ma.”

Luk 5:5

Simɔn fun ŋɔ un, “Mu kunyana, ya tumu kinkan dusum maga a vɛ kpak kundɔŋ. I ŋɔ min, mu zi yo cham tiu.”

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Jɔn 15:21

Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

Room 16:12

awa ya toosa Trifena awa Trifosa ba naa la tum ya kunyan ti tuma kinkan, awa ya towe Pɛrsis naa ya maga daŋni. O gbanko funɛ tum kinkan a nyɛ ya kunyan ti ni.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 8:25

Ya kpak bambi bɛgim a li kin naa ya ha vɛ kpaki ni, ya pɔ a wa kanyita ni.

1 Kɔr. 13:7

Nibine naa la daŋni nara wa na namsi, o wa zi gil nara daŋni a vɛɛn tiŋ Koosa. Kina maga yɛɛ, o yaa lisi wu werewa a nyɛ ba, a kpak bambi bɛgim wa ba ni.

1 Kɔr. 16:16

Mu niinbisa, mu sumi mau maa tiŋ ba naa maga wa un la tum nɔ.

2 Kɔr. 10:15

Ya wara daŋni nyɔɔra a li chenani nara biksi ma a li Koosa laaboor weri ti ni. Ya kpak bambi bɛgimu di ma se zi su unu ka ya wa ma tuma pisi a gbaari.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 4:1

Koosa naa funɛ kpak ya siki chen, funɛ lisi yau di yaa biksi nara kin nama wɛ. Ya wa zi bur gantɛl a li tum naa o kpa nyɛ ya nan.

2 Kɔr. 4:16

Kin nama daha, ya wa zi bur gantɛl a li tum naa Koosa kpa nyɛ ya nan. Ya bara hɛɛsiu aa gbaari, amaa wuzu kam Koosa waa ka gbaari o miisa naa o nyɛ ya chenu.

2 Kɔr. 5:9

Ya nyɛn bar nɔ koo ya duglɛ un a li Koosa tɔhɔn ti ni, o lawa ya kpak unu ya bambe ni o ya Koosa wa tu sɔɔna.

2 Kɔr. 6:5

Ba yaa fun tuksi yau a tɔ ya dɛ. Tɔhɔn dami yaa funɛ li ya nɛɛ. Ya yaa funɛ tumu hali a wa gbarigi a gil ya diwe awa ya do.

Gal. 6:2

Maa suŋi dɔŋa a li ma tuma maga ni. Ma ya chen, ma zi tiŋ chenani Kristo fun a biksi yau.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Filip. Tima 2:16

aa kibiksi ba chenani Koosa daŋni o kpa o mi fali ti a nyɛ ba. Maa tum nan, ka Kristo wa bur wa, ma zi ya mu jirima narau. Mu tum nama maga mu tum a nyɛ ma nan, a wa zi ya yɔri.

Filip. Tima 4:3

Nihaana nama awa Klɛmɛnt wa tumtumsa bɔnɛ wa min, ya waa funɛ tum kinkan di ya biksi nara tima Koosa laaboor weri ti wɛ. Mu dɔŋtiin birigi naa wa min la tum Kristo tuma, mu sumi hinu di i suŋi ba. Koosa fun sɔbi ba naa la o mi fali ti, sɔna a du o tɔn ni. Ba sɔna nyɛn dooni.

Kɔl. 1:11

a kpak kpok kinkan a li o kpok zen ti ni. Ma kpak o kpok ti, ma zi kotiu a kpak kanyita wɛ maga ni. Ma wa na namsi, ma zi kotiu a di un wa tu sɔɔn ni,

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Tɛs. 5:12

Mu niinbisa, yaa sumi mau di ma nyɛ ba naa ya kunyan ti fun lisi di ba ya ma nihɛɛta chen, wa jirima. Ba waa la tum o tuma kinkan ma wati a la nyini ma.

2 Tɛs. 3:13

Mu niinbisa, ma ta wa ku wa tum were tumi ni.

2 Tɛs. 3:5

O suŋi ma ma daŋni Koosa nɛnɛ a kpa o kpok ti a nyɛ ma, chen ni ma zi kotiu a di ma namsi.

2 Tɛs. 3:8

Ya ka funɛ tum nha wa dusumu kinkan, chen ni ya zi diu a li ya bara wilim ni. Ya wa fun a daŋni di ma suŋi ya wa diwe ni. Kin naa maga ma yaa fun a nyɛ ya, ya yaa bɔ a nyuuniu.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

1 Tim. 5:17

Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

Ju 10:36

Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Ju 13:13

Ma nyɛ ya la pu un dooni ya wa un bɔni o hiisa.

Ju 6:10

O ya wuti tiinnɛ. O wa zi sugli ma tum were naa ma fun tum a nyɛ un awa chenani ma fun biksi di ma daŋni unu a li ma dɔŋtima suŋi ni. Hali ma ha vɛɛna suŋi ba chene.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

Ju 6:15

Abraham funɛ kpak kanyitau. Chendaha o fun na chenani Koosa fun vɔu a nyɛ un.

2 Pita 1:6

a ya bambe tima a kidi ma namsi, a tiŋ un nɛnɛ,

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.