JɔnN Deesi 2:26 - Tampulma

²⁶ Ma kpak nɛnɛ a sɔɔni mu tuha hali a la tel o bɔ, mu zi vɔti ma mu koorsau ma dɔ tɛɛnɛ nɔ tim maga.

JɔnN Deesi 2:26 Iomraidhean Croise

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Mat. 24:13

Nar di kanyita a vusi hali muksi ti wa peti, Koosa zi wa la o nyuhau a nyɛ un.

Jɔn 6:29

Yesu fun ŋɔ ba, “Ma nyɛ ma se su n waa naa o fun tum ma wati. Chene Koosa daŋni maa tum.”

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 8:37

Hali kin nama kibɛgim zi wa pu ya, ya kpok kaali a kpok domi Yesu Kristo daŋni yau.

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

Jems 2:20

Ma ya womniwa kinkan. Mu ŋɔ ma di nar si su Yesu ka o vɛ tum tum were, o zi suuli ti ya yɔrirɛ.

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

1 Jɔn 5:5

Ba naa se su di Yesu ya Koosa bere duŋduŋ la zi ya chen.

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 21:7

Ba naa maga kpak nɛnɛ hali a la tel o bɔ, mu zi nyɛ ba nyɔ dooniu. Mu zi ya ba Koosau ka ba ka ya mu bisa.

JɔnN Deesi 22:5

a nyɛ ba ya koorsa hali saha naa vɛ kpak bɔ. Dusum wa fun to dooni, domi ba kunyan Koosa la nyɛ ba chaani. Ba wara daŋni nha akoo fitinsa nyɛ ba chaani dooni.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.

JɔnN Deesi 3:5

Mu zi nyɛ ba naa kpak nɛnɛu hali a la tel o bɔ laari kipilimau ka mu zi nyɛ ba sɔna naa ba fun sɔbi aa du Koosa mi fali tɔn ti ni kpalimi dooni. Mu si sɛm mu nyana awa o malaikasi ta gbampulim niu a li ba suwachak ni di min dɔ ba.