JɔnN Deesi 19:10 - Tampulma

¹⁰ Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

JɔnN Deesi 19:10 Iomraidhean Croise

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Maak 5:22

Ba bar lagmi dɛ nihɛɛ digi funɛ gbaari zɛmɛ ta ni. O sɔn funɛ ya Jairus. Saha naa o fun wa na Yesu, o fun la gbiri o suwachak ni,

Maak 7:25

Haan digi fun piin nu Yesu wɛ. Haan ti niina awa o nyana funɛ ya Girik timwa. Ba fun a lul un dooni. Alizin tagin fun a nyɛn o nihabichɛla nyuhu ni. O fun wa Yesu wati a wa gbiri o suwachak ni a sumi un di o duŋni alizin tagin ti a ta o be ti ni.

Luk 1:19

Malaika ti fun ŋɔ un, “N sɔn ya Gabriɛl. N yaa chiŋi Koosa suwachak nɛɛ. Waa ya funɛ tum min di n wa sɛm hin laaboor weri nɔ.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 5:39

Ma yaa karimi Koosa sɛm tɔn ti saha maga. Ma karimi ti nyɛ ma se su di ma zi na mi fali naa vɛ kpak bɔu. Amaa o sɛm tɔn ti biksi ma mu wɛ.

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Tuma 13:27

Jɛrusalɛm tim ta awa ba nihɛɛta wa fun zim di Yesu ya naa Koosa fun ŋɔ di o zi ya chenu a nyɛ ba. Ba gbanko wa fun zim chenani Koosa witinsi ta fun sɔbi o wɛ a li Koosa sɛm tɔn naa ya yaa karimi ya hiisi wuzuna, ni chen mun. Jɛrusalɛm tim ta awa ba nihɛɛti ta funɛ di Yesu sou sɛria, ba fun nyɛ Koosa witinsi ta sɛm ta ya wuti.

2 Kɔr. 8:7

Koosa wa fun lisi a li o kidamata nɛɛ a nyɛ maa? Ma se su un kinkan ka ma koti a sɛm o sɛma a nyɛ nara ni nɛnɛ a kpak zima kinkan. Ma kpak un ma bambe ni di maa suŋi dɔŋa ka maa daŋni ya kinkan. Ma nyɛ ya gbaari bɔnɛ a li kin nama ni. Ma biksi ya chenani ma zi lisi a li ma kin ta ni a nyɛ nara nama ni a kaali chenani ma fu zi nyɛ.

Ɛfɛ. 5:15

Maa doso ma nyɛni ni. Ma ta tiŋi a chi womna, amaa maa tiŋ a chi ninɛɛgɛ.

Ɛfɛ. 5:33

O gbanko biksi ya di nibaala kidaŋni ba haanasa a chi chenani baa daŋni ba titi ka nihaani ta kinyɛ ba baalasa wa jirima.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

1 Jɔn 5:10

Naa si su Koosa be ti, o be ti sɛhɛra nyɛn un ni, ka o zim o be ti wɛ nɛnɛ. Naa si vɛ su Koosa, waa la ŋɔ di Koosa ya nusun tiinnɛ, domi o wa la nɔɔni a du Koosa sɛhɛra awa o be ti wɛ ni.

1 Jɔn 5:21

Mu bisa, ma doso ma ta nyɛ kundɔŋ wa lisi ma a li Koosa tiŋi ni.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 12:17

Sel zen ti funɛ na chenani yɛɛ, a paan fun bu si a du nihaan ti ni a gbaari. O fun bur a la chem ba naa maga tiŋ Koosa chiksɛ nɔ a ŋɔ nara ni di Yesu dɔ ba wa laal ni. Ba waa ya nihaan ti nibabichɛla bi lulɛ.

JɔnN Deesi 14:7

O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

JɔnN Deesi 4:10

A funɛ lɔ a bool ta chene, nihɛɛta nara fumlɛ danaasi ta yaa fun siu a pimi tɛɛne ni a jɛɛmi naa funɛ kanɛ Koosa jirima bar kani a nyɛn hali saha naa vɛ kpak bɔ, ni. Ba yaa fun bini ba salma nyuchigsau a dau a li o suwachak ni a kpa aa chiksi a ŋɔ,