JɔnN Deesi 14:1 - Tampulma

¹ Doone mu fun nyini a na ka piisi be ti wa kɔk di fumnaasi danaasi tusugsa nara funɛ chiŋi bi naa ba yir Zaiyɔn. Ba funɛ sɔbi o sɔn awa o nyana sɔnnɛ a sak ba tilsi ni.

JɔnN Deesi 14:1 Iomraidhean Croise

Luk 12:8

“Nibine naa maga ŋɔ nara ni di min dɔ ba, n waa nibine be zi sɛm chenu a nyɛ Koosa malaikasi ta ni.

Room 9:33

Ba fun sɔbi buŋkul digi wɛ a li Koosa sɛm tɔn ti ni. O funɛ chi ba mo un wa ba naŋgere nee. Ba fun sɔbi di Koosa ŋɔ, “Mu kpa mu buŋkullɛ a chiŋsi Jɛrusalɛm ni. Ba naa maga nyɛ ba se su un, ba bambe wa zi buti.”

JɔnN Deesi 14:14

Mu fun nyini a na ka Yesu naa ya nibine be fun kani dobaal pilim daha ni. O funɛ chik salma nyuchigrɛ a kpak gorga diili o nin ni.

JɔnN Deesi 14:3

Ba naa wa piisi be ti funɛ chiŋi, ba se funɛ chem doonani Koosa jirima bar kani awa sela naasi ta wa nihɛɛta fumlɛ danaasi ta fun nyɛn, a lɔ bool fali. Kɔk di fumnaasi danaasi tusugsa ba naa piisi be ti fun lisi a li tɛɛnɛ nɔ tim maga, ba duŋduŋ funɛ koti a lɔ bool fali ti.

JɔnN Deesi 15:5

Ba funɛ lɔ bool ti peti, mu fun na ka doonani Koosa fun lisi kinkan o bar jɛɛmi dam ti ni, zɔɔnɔ puk.

JɔnN Deesi 22:4

Ba na Koosa seu ka o fun sɔbi o sɛn a marigi ba tilsa,

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 4:1

A gantɛl ni mu fun bu nyini a na kundɔŋ a chi mu deesi. Koosa tɔhɔn ti bulzɔɔnɔ funɛ puku, ka ta zaŋa naa mu fun te nu chen chi kaabul fun ŋɔ min, “Zini kuwa bar nɔ ka mu biksi hin chenani la zi wa ya.”

JɔnN Deesi 6:8

mu fun nyini a na zaaga ka o chi suwasi ni ka o nyɛn dooni. Naa funɛ zini zaag ti chen, sɔn funɛ ya ‘sou’. Nidigi sɔn funɛ ya ‘nisitɛ bar nyɛni’ fun tiŋ o gantɛl. Ba fun purigi tɛɛnɛ nɔ maga bunaasi a lisi bar digi a nyɛ ba di ba kpa nyinbaan kurgɛ a kpu ba naa maga nyɛn dooni. Nara balɛ ta fun kaali a nyɛ lɔsa awa wichɔɔrta chel dooni. Ba gbanko fun kpa chisi zene awa sel zene a kpu ba.