JɔnN Deesi 13:2 - Tampulma

² Sel zen ti funɛ chi wiibagarɛ ka o naŋgere awa o nɔ chi gbogumta. Sel zen naa funɛ chiŋi ni nɔ ni chen, fun kpa o kpok kinkan awa chenani o dɔ tɛɛnɛ nɔ tim maga a kpa du o nin ni.

JɔnN Deesi 13:2 Iomraidhean Croise

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

JɔnN Deesi 12:13

Sel zen ti funɛ na di ba duŋni un a ta tɛɛnɛ nɔ maga ni chen, o fun la muksi nihaan naa funɛ lul nibabichɛla, kinkan.

JɔnN Deesi 12:15

Doon sel zen ti fun nyɛ ni pal kinkan a li o nɔ ni a chi pul, chen ni o zi chuŋi un kaaliu.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:12

O funɛ chiŋi sel zen naa nyuha funɛ huusi a peti chen, gantɛl nɛɛ a kpa o kpok a muksi ba naa maga nyɛn tɛɛnɛ nɔ maga ni di ba jɛɛmi sel zen nɔ.

JɔnN Deesi 13:4

Ba fun jɛɛmi un a ŋɔ dɔŋ ni, “Anti zen a tel un akoo a kpak kpok di o wa un yo dɔŋa?” Ba gbanko funɛ jɛɛmi sel zen naa funɛ chiŋi ni nɔ ti ni, domi o funɛ kpa o kpok magau a nyɛ un.

JɔnN Deesi 16:10

Malaikasa nyuun tiina fun la biti a du kin nawara sel zen naa funɛ li ni ni chen, dɔ. O koor ti bar nyɛni fun wa biri ka o nitiŋɛ fun na paan a dusi ba zuluma.

JɔnN Deesi 17:12

“Sel zen ti nyindaasa fi ya nara ba zi wa vɔti ba koorsa. Ba wa vɔti ba, ba wa sel zen ti zi dɔ kerifi bɛgimu.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 20:2

O fun kpak sel zen sɛm naa funɛ te duŋni nihaan ti a vɔu un wa zɔgli ti ni hali bun tusuga. Waa ya sintana naa ba yir dum ti a nyɛn a vusi a ya alizin tagna koora.