JɔnN Deesi 12:1 - Tampulma

¹ Doone dana zenzen fun nyɛn buudaha ni. Haan digi funɛ nyɛn doon. O wa o kilaarɛ fun chaani a chi nha, ka o naŋgere zɔŋ pɛn daha ni. Wula fidalɛ funɛ nyɛn nyuchik naa o fun chik chen ni.

JɔnN Deesi 12:1 Iomraidhean Croise

Mat. 12:38

A saha ti Koosa chiksɛ nibiksɛ ta awa Farisi tim ta bɔnɛ fun wa ŋɔ un, “Ya kunyana, tum alaazibu tum a nyɛ ya.”

Mat. 24:30

Kin nama maga la zi biksi di mu waa nibine be zi wa nyɛn nyinbaan ni a dugli. Tɛɛnɛ nɔ maga nara zi wa kpak hansurau kinkan. Ba zi wa na min ka mu li dobaal tuha a wa awa kpok ni awa n jirima ni a kichaani kinkan.

Maak 13:25

Wula zi wa li buudahau a chesi. Kin nawara nyɛn buudaha ni a kpok zi wa na muksiu kinkan.’

Luk 21:11

Tɛɛnɛ zi wa jimu kinkan ka lɔsa zi wa chel pulumsi ta maga ni, ka wichɔɔr kpok zi wa kpu nidamatau. Nara zi wa na daani zenzenu a li buudaha gbanko ni. Hansura zi wa kpak bau kinkan a daha.

Luk 21:25

“Mu waa nibine be waali saha wa dugli, daanɛ zi wa nyɛn nha awa pɛna awa wula niu. Teku zi damu a chɛɛmi kinkan. Hansura zi wa kpak tɛɛnɛ nɔ maga narau kinkan a la gali.

Jɔn 3:29

Nar kpa haan, waa dɔ un. Mu chi haan fali baal chɛnnɛ. Mu wa dugli un a nu o sɛma, mu tuha yaa sɔɔniu kinkan. Nara ta wa li mu wati a la Yesu wati di o chaksi ba wa ni ni, mu tuha yaa sɔɔniu kinkan a kaali chenani o fun te sɔɔni.

Tuma 2:19

Mu zi kpa chɛl awa din wa nyɔsau a chɛrgi buudaha awa tɛɛnɛ nɔ magau.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Room 3:22

Koosa wa bu a na ba naa maga se su Yesu Kristo galimsa.

2 Kɔr. 11:2

Muu daŋni ma kinkannɛ a chi chenani Koosa daŋni ma. Ma chi nihabichɛllɛ mu fun a vɔu di mu nyɛ baal naa sɔn ya Yesu Kristo chen.

Gal. 3:27

Lalaknɔ ma wa Yesu Kristo ya nibɛgimnɛ. Ma funɛ burgi chenani o duu.

Gal. 4:26

amaa nihaan naa funɛ vɛ ya yom chen, o chi Jɛrusalɛm naa nyɛn Koosa tɔhɔn ti ni chene. Ya waa ya o bisa.

Gal. 6:14

Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.

Ɛfɛ. 5:32

Mu zimu di nan bɔmu wa ma zim o mun. O biksi ya di Yesu Kristo awa o nitiŋɛ ta ya nibɛgimnɛ.

JɔnN Deesi 1:20

Wula nɔpɛ a naa nyɛn mu nindil ni nan awa fitinsa bar chiŋɛ nɔpɛ ka ba fun kpa salma a kɔɔri a, a muna funɛ sogliu. Lalaknɔ a li gbampulimu mu zi kpa a munau a biksi hin. Wula nɔpɛ ta ya Koosa malaikasa nɔpɛ a naa la nyini Yesu nitiŋɛ ka ba purigi bunɔpɛ a li Azia pulum ni. Fitinsa bar chiŋɛ kina nɔpɛ ta ya Yesu nitiŋɛ ba naa purige bunɔpɛ dooni chen.”

JɔnN Deesi 11:19

Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 12:3

Dana zen digi funɛ gbaari un ni a li buudaha ni. Sel zen sɛm funɛ nyɛn doon. O funɛ kpak nyuuna nɔpɛ awa nyindaasa fire a chiksi koorsa nyuchigsa nɔpɛ.

JɔnN Deesi 15:1

Doone mu fun nyini a na ka dana zen naa nyɛ alaazibu fun kpak min, fun nyɛn buudaha ni. Malaikasa nɔpɛ fun kpak wichɔɔrta a naa kurgɛ, kina nɔpɛ a nyɛn dooni. Ba wa kaali a nyɛ wichɔɔrtisi ta kpaksi tɛɛnɛ nɔ tim maga, chenani Koosa na paan a du ba ni a lɛrgi ba diŋsa zi wa petiu.

JɔnN Deesi 21:14

Ba fun kpa buŋkul fidalɛ a sɔbi piisi be ti nitumɛ nara fidalɛ sɔna a sak a ni a kpa a du chechepure ti zɛchik ni.

JɔnN Deesi 21:23

Ba naa funɛ nyɛn dooni wa funɛ nyini nha awa pɛn se ni di a nyɛ ba chaani. Koosa awa piisi be ti jirima awa ba chaani kinkan funɛ nyɛ ba chaani.