JɔnN Deesi 11:3 - Tampulma

³ Chen saha ti mu zi nyɛ nara balɛ laari taktasa a naa la lɔk barau a biksi nara tima Koosa sɛma wɛ wuzu tusuga awa kɔksa lɛ di fumnɔra.”

JɔnN Deesi 11:3 Iomraidhean Croise

Mat. 11:21

“Ma Korezin tima, yɛrɛ o kaa wa du ma ni? Ma Bɛtseida tima, yɛrɛ o kaa wa du ma gbanko ni? N fu tum alaazibu tum na a li Taaya awa Saidɔn tɔsa ni a chi chenani n fun tum ma wati nan, ba naa funɛ nyɛn dooni saha digi chen, ba fu zi gil ba tum tagnau. Ba fu zi laari takta naa la lɔk ba bara a kpa tɔ a buk ba se. Chen fu zi biksi di ba burgiu a tiŋ Koosa nyinbaan.

Mat. 18:16

O vɛ nu i nɔ, i kpa chɛn bɛgim koo nara balɛ, chen ni ba waa la zi ya i sɛhɛra tima a li chenani i wa i dɔŋtiina ŋɔ dɔŋ ni.

Luk 10:13

“Ma Kɔrezin tima, yɛrɛ o kaa wa du ma ni? Ma Bɛtseida tima, yɛrɛ o kaa wa du ma gbanko ni? N fu tum alaazibu tum na a li Taaya awa Saidɔn tɔsa ni a chi chenani n fun tum ma wati nan, ba naa funɛ nyɛn doon saha digi chen, ba fu zi gil ba tum tagnau. Ba fu zi laari takta naa la lɔk ba bara a kpa tɔ a buk ba se. Chen fu zi biksi di ba burgu a tiŋ Koosa nyinbaan.

Luk 24:48

Ma waa ya mu sou awa mu siili sɛhɛra tima. Ma piili chen tuma.

Jɔn 15:27

Ma funɛ nyɛn mu wati o piili ti ni chen. Chendaha ma gbanko zi biksi narau mu wɛ.”

Jɔn 3:27

Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Tuma 13:31

ka ba naa funɛ piin te tiŋ un a li Galili pulum ni a kaali Jɛrusalɛm, ba fun bu na un wa ba se ni bu damata. Laaboor weri nɔ ya ba tuma lalaknɔ ba kpa un a biksi Ju tim ta.

Tuma 2:32

Naa wɛ Devid fun sɔbi chen awa Yesu ya nibɛgimnɛ. Ya funɛ nau awa ya se ni ka Koosa lɛli un a li o sou ni,

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

2 Kɔr. 13:1

Mu funɛ piin wa ma watiu bilɛ. Lalaknɔ mu bur a saksiu di mu wa. Maa lisi chenani ba fun sɔbi a li Koosa sɛm tɔn ti ni. Ba funɛ ŋɔ, “Ma daŋni ma fiksi nandigi, ma kpak nara alɛ akoo nara batora ba ya ma sɛhɛra tima.”

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 11:2

Ta maksɛ Koosa bar jɛɛmi dam sali ta, domi ba naa vɛ zim Koosa chen, zi wa zu dooniu a chɔk tɔhɔn naa o fun lisi a nyɛ o titi ni, a val o daha ni pɛn fumnaasi dalɛ ni.

JɔnN Deesi 11:6

Saha naa ba funɛ biksi nara Koosa sɛm wɛ chen, ba funɛ kpak kpoku a nyɛ doon ta miili a nyɛ pulse sɛri a chi chɛl. Ba gbanko funɛ kpak kpoku a nyɛ wichɔɔrta kinkan wa kpaksi nara a chi chenani ba daŋni.

JɔnN Deesi 12:6

Nihaan ti fun chɔ kaali nyabaan. Koosa funɛ kɔɔri bar nyɛni a nyɛ un dooni di o nyɛn ba nyini un wuzu tusuga awa kɔksa lɛ di fumnɔra.

JɔnN Deesi 13:5

Ba fun nyɛ sel zen naa funɛ li ni ni chen nyinbaan di o pini Koosa zoma kinkan a dɔ tɛɛnɛ nɔ tim maga pɛn fumnaasi dalɛ.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.