JɔnN Deesi 11:10 - Tampulma

¹⁰ Sel zen ti wa kpu nara balɛ ta, tɛɛnɛ nɔ tim maga tusa funɛ sɔɔniu, domi ba nyɛ ba na namsiu kinkan. Ba funɛ zɔ zɔɔlɛu a kpa dɔŋa wa kina.

JɔnN Deesi 11:10 Iomraidhean Croise

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Jɔn 16:20

Wutirɛ mu ŋɔ ma, mu bu vɛ wa nyɛn ma wati, tɛɛnɛ nɔ tim maga tusa zi wa sɔɔniu kinkan, amaa ma tusa ka zi wa chɔku kinkan. Ma tu chɔk ti wa zi wa vusi, amaa a zi wa ya tu sɔɔnau lalaga.

Jɔn 7:7

Min la biksi nara ba yaa tum tum tagna. Chendaha ba ha min. Amaa ba ka wa ha ma.

Tuma 5:33

Nihɛɛta ba naa funɛ lagmi chen, funɛ nu Pita sɛma, ba paan fun si ba ni ba daŋni ba kpu ba.

1 Kɔr. 13:6

Nara tum tum tagna, nibine naa la daŋni ba, tuha wa zi sɔɔni. Nara ka tum tum were, o tuha zi sɔɔniu.

JɔnN Deesi 12:13

Sel zen ti funɛ na di ba duŋni un a ta tɛɛnɛ nɔ maga ni chen, o fun la muksi nihaan naa funɛ lul nibabichɛla, kinkan.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 16:10

Malaikasa nyuun tiina fun la biti a du kin nawara sel zen naa funɛ li ni ni chen, dɔ. O koor ti bar nyɛni fun wa biri ka o nitiŋɛ fun na paan a dusi ba zuluma.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.