JɔnN Deesi 10:5 - Tampulma

⁵ Malaika naa naŋgeri dil funɛ nyɛn ni ni ka o naŋgeri gal ka chiŋi jibaŋ ni chen, o fun zer o nindil buudaha ni,

JɔnN Deesi 10:5 Iomraidhean Croise

Tuma 14:15

“Ma ta kɔɔri kɔɔra a nyɛ ya a kijɛɛmi ya. Ya ya nibinsiwa a chi ma. Ya wa bar nɔu di ya wa biksi ma Koosa laaboor weri ti wɛ. Koosa naa nyɛnɛɛ funɛ naami buudaha awa tɛɛnɛ wa teku wa kin naa maga nyɛn a ni. Waa la daŋni ma gil kin nawara ma jɛɛmi a ya yɔri a bur tiŋ un.

Tuma 17:23

Mu funɛ valu a go ma tɔhɔn ti a na ka ma nyɛ a jirima. Hali mu fun na digi ka nandigi sɔbi un ni, ‘Koosa naa ya vɛ zimi nɛɛnɛ.’ Koosa naa ma nyɛ jirima a vɛ zimi nan, o wɛwa mu kaa ŋɔ ma nan.

Room 1:20

Saha naa Koosa fun naami tɛɛnɛ nɔ maga hali wa zinan, ba kotiu a na chenani o bambi du a li kin nawara o naami ni. Ba waa funɛ zim o kpok naa vɛ kpak bɔ awa chenani o ya Koosa. O fun kpa kin nama a li gbampulim, chen ni ba wa zi koti a sɛm sɛma.

Ju 6:13

Koosa funɛ vɔu vɔwi a nyɛ Abraham ni, o fun hɛɛsi o titi sɔn di o zi nyɛ o ya wutiu. O sɔn ti kaali kina maga. Chendaha o fun hɛɛsi un chen.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 10:2

O funɛ kpak tɔn wewe o nin ni ka o puk. O fun tu wa tɛɛnɛ nɔ maga a kpa o naŋgeri dil a du teku ni ni a kpa naŋgeri gal a chiŋsi jibaŋ ni.

JɔnN Deesi 14:7

O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 16:17

Doone malaikasa nɔpɛ tiina fun la biti a du buudaha ni. Mu funɛ nu ta kpoku a li Koosa jirima bar nyɛni ni ka o ŋɔ, “Chenani mu di tɛɛnɛ nɔ tim maga sɛria duglɛ petiu.”

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 4:9

Sela naasi ta funɛ lɔ a booliwa a pɛgi naa funɛ kanɛ Koosa jirima bar kani ni, domi o kpak jirima awa chaani kinkanu a nyɛn hali saha naa vɛ kpak bɔ.