JɔnN Deesi 1:5 - Tampulma

⁵ wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 1:5 Iomraidhean Croise

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Jɔn 13:1

O funɛ ka wuzu bɛgimnɛ di val la gali wuzu zen ti tel. Yesu funɛ zimu di o kpaki saha ti duglɛu di o li tɛɛnɛ nɔ maga ni a bur kila o nyan ti wati. Chenani o funɛ daŋni ba naa o dɔ wa funɛ bur gantɛl.

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

Jɔn 15:9

Muu daŋni mau a chi chenani mu nyan ti daŋni min. Maa lisi chen wɛ, chen ni ya lagmi nyɛni nɔ wa zi bur gantɛl.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 3:11

Wutirɛ mu sɛm hin, kin naa mu sɛm hin nan, mu funɛ na au a zim a. Amaa i wa funɛ daŋni i nu a.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Jɔn 3:32

Kin nawara o biksi nara, o funɛ na au a zim a. Amaa nidamata wara daŋni ba nu a.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 26:23

Ba funɛ sɔbiu a ŋɔ di nara wa kpu un, Koosa zi lɛli unu a li o sou ni, chen ni Ju tim ta awa ba naa vɛ ya Ju tima zi na nyinbaanu a gil ba tum tagna a bur a tiŋ un. Nan chi fitinne a chaani ba ni a li birsi ni.”

Room 3:25

Koosa funɛ kpa Yesu Kristo a chiŋsi gbampulim ni a nyɛ o sou o daakakli ti ni, chen ni Koosa wa zi bu na paan a du ba naa maga se su Yesu sou chɛl ni. O funɛ ya chene di o biksi nara di o ya wuti tiinnɛ. Hali chen saha ti o funɛ kpak ba kanyitau a li nara tum tagna ni a ta lɛrgi ba diŋsa.

Room 8:37

Hali kin nama kibɛgim zi wa pu ya, ya kpok kaali a kpok domi Yesu Kristo daŋni yau.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Ɛfɛ. 2:4

Amaa Koosa daŋni ya kinkan a kpak ya siki hali a kaali a maga,

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Kɔl. 1:18

Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

1 Tim. 6:15

Koosa naa zenee a dɔ kina maga a ya koorsa maga kaŋkoora, waa la zi tum un saha naa o daŋni.

Ju 10:29

Nan funɛ du Ju tim ta ni chen saha digi, yɛrɛ o fu zi du ba naa kpa Koosa be a dau gbampulim ni a nɔsi? Ba kpa o chɛl naa chaksi ba bambe a nyɛ Koosa wa ba ya nɔ bɛgim a ŋɔ di o ya yɔrirɛ a pini Koosa siim weri naa la suŋi ba, zoma, ma wa lisi di Koosa zi wa lɛrgi ba diŋsau a kaali chenani Ju tim ta fun lɛrgi ba naa funɛ vɛ kpak wu digi wa Koosa chiksɛ saha digi chen diŋsauu?

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 4:10

Ya laata te a daŋni Koosa, amaa waa te o daŋni ya. O funɛ tum o beu di o wa sou a lisi ya a li Koosa paan ni. Chen biksi ya o wuti daŋni.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 11:3

Chen saha ti mu zi nyɛ nara balɛ laari taktasa a naa la lɔk barau a biksi nara tima Koosa sɛma wɛ wuzu tusuga awa kɔksa lɛ di fumnɔra.”

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

JɔnN Deesi 19:16

Ba fun sɔbi sɔn a sak lanjimasa nyuhu tiin ti takta ziŋi awa o naŋgeri ni. O funɛ ya, ‘Mu ya koorsa maga kaŋkoora.’

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.