JɔnN Deesi 1:4 - Tampulma

⁴ Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 1:4 Iomraidhean Croise

Jɔn 1:1

O piili ti ni tɛɛnɛ awa buudaha wa fun to, amaa Yesu Kristo funɛ piin nyɛnu. O funɛ nyɛn Koosa se ni. Hali o wa un fun ya nibɛgim.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 2:9

Ya ya Partia tima, Miid tima, Ilam tima, Mɛsɔpɔtemia tima, Judia tima, Kapadosia tima, Pɔntus tima, Azia tima,

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

1 Kɔr. 1:3

Ya kunyan Koosa awa ya kunyan Yesu Kristo zi suŋi mau aa nyɛ ma bara sɔɔna.

2 Kɔr. 1:2

Ya kunyan Koosa awa ya kunyan Yesu Kristo kisuŋi ma a kinyɛ ma bara sɔɔna.

Ju 13:8

Yesu Kristo naa funɛ nyɛn ba ni a nyɛn ya ni, ya nibɛgimnɛ. O wa zi chɛrgi hali saha naa vɛ kpak bɔ.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:17

Mu funɛ na un, mu fun chel tɛɛnɛ ni a chi mu siwɛɛ. O fun wa pu min a kpa o nindil a gbaŋsi min a ŋɔ, “Ta ɔmi. Mu vɛ kpak piili a nyɛn a vɛ kpak peti.

JɔnN Deesi 1:20

Wula nɔpɛ a naa nyɛn mu nindil ni nan awa fitinsa bar chiŋɛ nɔpɛ ka ba fun kpa salma a kɔɔri a, a muna funɛ sogliu. Lalaknɔ a li gbampulimu mu zi kpa a munau a biksi hin. Wula nɔpɛ ta ya Koosa malaikasa nɔpɛ a naa la nyini Yesu nitiŋɛ ka ba purigi bunɔpɛ a li Azia pulum ni. Fitinsa bar chiŋɛ kina nɔpɛ ta ya Yesu nitiŋɛ ba naa purige bunɔpɛ dooni chen.”

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 16:5

Mu fun nu malaika ti ka o ŋɔ Koosa ni, “I waa naa ya bambi chaani tiina a vɛ kpak piili aa nyɛn, chenani i na tɛɛnɛ nɔ tim maga galimsa deŋlu.

JɔnN Deesi 2:12

“Sɔbi kin nama a la nyɛ naa la nyini Yesu nitiŋɛ ta a li Pɛgamum ni. “Mu waa naa kpak chisi nɔsa lɛ ti o li mu nɔ ni, ma nu chenani mu kaa ŋɔ ma.

JɔnN Deesi 2:18

“Sɔbi kin nama a la nyɛ naa la nyini Yesu nitiŋɛ ta a li Tiataya ni. “Mu waa naa Koosa be ka mu se sɛri a chi din a la chɛr nara se ka mu naŋgere sɛri ti funɛ chi sulminne ba kpa kɔɔri kina a lili kinkan, ma nu chenani mu kaa ŋɔ ma.

JɔnN Deesi 2:8

“Sɔbi kin nama a la nyɛ naa la nyini Yesu nitiŋɛ ta a li Sumana ni. “Mu vɛ kpak piili a nyɛn a vɛ kpak peti. Mu funɛ sou, amaa lalaknɔ mu zi nyɛnu hali saha naa vɛ kpak bɔ.

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”

JɔnN Deesi 22:8

Min, Jɔn, funɛ nau a nu kin nama maga. Mu funɛ na a nu kin nama peti, mu fun gbiri malaika naa funɛ biksi min, suwachak ni di mu jɛɛmi un.

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.

JɔnN Deesi 4:5

Din fun nyiksi awa nasɛha a li Koosa jirima bar kani ti. Fitin hɛmsɛ abanɔpɛ funɛ nyɛn o suwachak ni. A waa funɛ ya Koosa siimsa nɔpɛ.

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.

JɔnN Deesi 8:2

Chen saha ti funɛ wa kaali, ba fun kpa kaabulsa nɔpɛ a nyɛ malaikasa nɔpɛ ta ni. A waa yaa chiŋi Koosa suwachak ni.