JɔnN Deesi 1:2 - Tampulma

² Mu funɛ kpa Koosa sɛmau, chenani Yesu Kristo biksi ya o titi wɛ awa kin naa maga mu fun na a nu a sɔbi a dau bar nɔ.

JɔnN Deesi 1:2 Iomraidhean Croise

Jɔn 1:32

Doone Jɔn fun ŋɔ ba, “Mu funɛ na Koosa siim weri ka o li buudaha. O funɛ chi komne a tu wa a zɔŋ Yesu nyuhu ni.

Jɔn 12:17

Ba naa funɛ na chenani Yesu yir Lazarus di o si o sou ni a li gbɛntɛl bɔ ti ni a wa, ba fun bur kaali Jɛrusalɛm di ba la mɔɔli laaboora.

Jɔn 19:35

Mu waa, Jɔn, funɛ na ka chen ya. Chendaha mu sɛma ya wuti. Min la ŋɔ ma o wɛ, chen ni ma se zi su unu.

Jɔn 21:24

N waa, Jɔn, naa sɔbi tɔn nɔ nan, minnɛ Yesu daŋni kinkan. Mu funɛ na kin naa maga mu sɔbi a du tɔn nɔ tuha. Ya maga zimu di mu sɛm ya wutirɛ.

Jɔn 3:11

Wutirɛ mu sɛm hin, kin naa mu sɛm hin nan, mu funɛ na au a zim a. Amaa i wa funɛ daŋni i nu a.

Tuma 22:15

a ŋɔ nidamata ni naa i na ka i wa un sɛm sɛma wɛ.

Tuma 26:16

Si a chiŋi. Mu wa i watiu di mu wa lisi hin i ya mu tumtumna. Mu daŋni i la ŋɔ nara niu chenani i wa min pu dɔŋa zinan awa kin nawara mu zi biksi hin.

Tuma 4:20

Ya wa kigil di ya ŋɔ nara ni chenani ya fun na a nu.”

1 Kɔr. 1:6

Chenani ma fun nu Yesu Kristo wɛ chen zu ma bambe niu nɛnɛ,

1 Kɔr. 2:1

Mu niinbisa, mu funɛ wa ma wati a sɛm Koosa sɛma a naa funɛ sogli ma wati, mu wa fun kpak nɔ lɛma awa nibinsa zima ti a biksi ma.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

3 Jɔn 1:12

Dimitrius ya nibin werire. Nara maga zimu di oo tiŋ Koosa wuti nyinbaannɛ nɛnɛ. Mu titi ŋɔɛɛ di o ya nibin werire ka i zim di mu sɛm ya wutirɛ.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:19

Sɔbi kin nawara i na nan a dau. A bɔnɛ ya zinan kiniwa. Bɔnɛ ka zi wa yau.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 12:17

Sel zen ti funɛ na chenani yɛɛ, a paan fun bu si a du nihaan ti ni a gbaari. O fun bur a la chem ba naa maga tiŋ Koosa chiksɛ nɔ a ŋɔ nara ni di Yesu dɔ ba wa laal ni. Ba waa ya nihaan ti nibabichɛla bi lulɛ.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 22:21

Ya kunyan Yesu kisuŋi ma maga.

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.