JɔnN Deesi 1:16 - Tampulma

¹⁶ O funɛ kpak wula nɔpɛwa o nindil ni a kpak chisi nɔsa lɛ o li o nɔ ni. O se funɛ chɛru a chi nha biee.

JɔnN Deesi 1:16 Iomraidhean Croise

Mat. 17:2

Ba funɛ nyɛn dooni, Yesu si nyine fun a chɛrgi ba suwachak ni. O se funɛ chaaniu a chi nha. O kilaarɛ gbanko fun chɛrgi a pilimi kinkan aa chaani.

Tuma 26:13

Koor Agripa, nha funɛ wa tel sal baan nyuha, mu funɛ nyɛn nyinbaan ni a wa dugli Damaskus. Kundɔŋ fun vaan nyiksi a li buudaha ni a chaani du mu wa ba naa la val chen ni. O funɛ chaaniu a kaali nha.

Ɛfɛ. 6:17

Koosa funɛ a yisi mau a li ma tum tagna ni maa tiŋ un. Maa kpak chen nɛnɛ, a nyɛ o siim weri ti suŋi ma maa sɛm o sɛma. A waa la zi nyɛ ma nyaŋi ma dɔma.

Ju 4:12

Koosa kpak miisa awa kpok kinkan. Chendaha o sɛm maga tum. A diu a kaali chi nɔsa lɛ a zu nara bambe ni a zim chenani ba lise maga du.

JɔnN Deesi 1:20

Wula nɔpɛ a naa nyɛn mu nindil ni nan awa fitinsa bar chiŋɛ nɔpɛ ka ba fun kpa salma a kɔɔri a, a muna funɛ sogliu. Lalaknɔ a li gbampulimu mu zi kpa a munau a biksi hin. Wula nɔpɛ ta ya Koosa malaikasa nɔpɛ a naa la nyini Yesu nitiŋɛ ka ba purigi bunɔpɛ a li Azia pulum ni. Fitinsa bar chiŋɛ kina nɔpɛ ta ya Yesu nitiŋɛ ba naa purige bunɔpɛ dooni chen.”

JɔnN Deesi 10:1

Doone mu fun nyini a na ka malaika zenzen digi nyɛn dooni, a fun li Koosa tɔhɔn ti. Dobaal funɛ go un ka doonkagla fun go o nyuha. O se funɛ chaaniu a chi nha ka o naŋgere nyiksi a chi din.

JɔnN Deesi 12:1

Doone dana zenzen fun nyɛn buudaha ni. Haan digi funɛ nyɛn doon. O wa o kilaarɛ fun chaani a chi nha, ka o naŋgere zɔŋ pɛn daha ni. Wula fidalɛ funɛ nyɛn nyuchik naa o fun chik chen ni.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

JɔnN Deesi 19:21

Koosa tɔhɔn lanjimasi ta nyuhu tiina naa funɛ zini zaag pilim ti, fun lisi chisi nɔsa lɛ ti a li o nɔ ni a kpu tɛɛnɛ nɔ maga lanjimasa ba naa kaɛɛ. Zimebisa fun li buudaha a wa di ba puŋ a ka.

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.

JɔnN Deesi 2:12

“Sɔbi kin nama a la nyɛ naa la nyini Yesu nitiŋɛ ta a li Pɛgamum ni. “Mu waa naa kpak chisi nɔsa lɛ ti o li mu nɔ ni, ma nu chenani mu kaa ŋɔ ma.

JɔnN Deesi 2:16

Ma duŋni ba a ta. Ma vɛ duŋni ba, mu zi bur wa ma watiu lalaga a wa lisi chisi naa la li mu nɔ ni a chem ba.

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.