JɔnN Deesi 1:11 - Tampulma

¹¹ ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:11 Iomraidhean Croise

Tuma 16:14

Nihaani tima digi sɔn funɛ ya Lidia ka o nu ya sɛm ta. O yaa funɛ yogli gar naa ya ti bɛgim a laksi kibilima awa kisɛma ka a malɛ kpok kinkan. O funɛ li tɔhɔn naa ba yir Tiataya a li Azia pulum ni. O yaa funɛ jɛɛmi Koosau ka ya kunyan ti puk o bambi di o nu Pɔɔl sɛm ta.

Tuma 18:24

Ju tim ta nidigi funɛ nyɛn doon ba yir un Apɔlɔs. Ba funɛ lul un a li tɔhɔn naa ba yir Alɛzandria a li Ijipt pulum ni. O funɛ zim Koosa sɛm tɔn ti munu kinkan a koti a kpa un a biksi nara nɛnɛ. Wuzu digi o fun wa Ɛfɛsus.

Tuma 20:17

Pɔɔl funɛ nyɛn Mailitus nɛɛ a tum nara ba la ŋɔ Yesu nitiŋɛ ba naa nyɛn Ɛfɛsus ni, nihɛɛta di ba wa pu un.

1 Kɔr. 15:32

O duuti mu wa sel zene funɛ yo dɔŋa a li Ɛfɛsus ni. O ya di tɛɛnɛ nɔ maga kina duŋduŋ daha mu wa a funɛ yo dɔŋa, baŋ nyɔɔra mu na? Nisitɛ vɛ si ba sou ni, ma nyɛ yaa di diwe aa kinyɔ kinyɔɔlɛ domi ya wa zim chɛ.

1 Kɔr. 16:8

Amaa mu zi nyɛn Ɛfɛsus niu hali Ju tim ta wuzu zen naa ba yir Pɛntɛkɔst chen wa tel.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Kɔl. 2:1

Mu daŋni ma zimu chenani mu baga nyɛn ma awa Laodisia tima wa ba naa vɛ zim min.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

JɔnN Deesi 1:17

Mu funɛ na un, mu fun chel tɛɛnɛ ni a chi mu siwɛɛ. O fun wa pu min a kpa o nindil a gbaŋsi min a ŋɔ, “Ta ɔmi. Mu vɛ kpak piili a nyɛn a vɛ kpak peti.

JɔnN Deesi 1:19

Sɔbi kin nawara i na nan a dau. A bɔnɛ ya zinan kiniwa. Bɔnɛ ka zi wa yau.

JɔnN Deesi 1:2

Mu funɛ kpa Koosa sɛmau, chenani Yesu Kristo biksi ya o titi wɛ awa kin naa maga mu fun na a nu a sɔbi a dau bar nɔ.

JɔnN Deesi 1:20

Wula nɔpɛ a naa nyɛn mu nindil ni nan awa fitinsa bar chiŋɛ nɔpɛ ka ba fun kpa salma a kɔɔri a, a muna funɛ sogliu. Lalaknɔ a li gbampulimu mu zi kpa a munau a biksi hin. Wula nɔpɛ ta ya Koosa malaikasa nɔpɛ a naa la nyini Yesu nitiŋɛ ka ba purigi bunɔpɛ a li Azia pulum ni. Fitinsa bar chiŋɛ kina nɔpɛ ta ya Yesu nitiŋɛ ba naa purige bunɔpɛ dooni chen.”

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 10:4

A funɛ tɛsi a peti, mu funɛ daŋni mu sɔbi chenani yɛɛ, amaa ta funɛ ŋɔ min a li Koosa tɔhɔn ti ni a ŋɔ, “Ta sɔbi chenani nasɛhasa nɔpɛ ta sɛmi a dawi. Mu daŋni a sogliu.”

JɔnN Deesi 14:13

Doone mu fun nu ta a li Koosa tɔhɔn ti ni ka o ŋɔ, “Sɔbi chenani mu kaa sɛm nan a dau. Ba naa tum tuma aa nyɛ ya kunyan ni a wa siti, ba tusa zi sɔɔniu.” Koosa siim weri ti fun ŋɔ a gbaari, “I sɛma ya wutirɛ.” Koosa zi bɔ ba ba chimu a nyɛ ba hiisi a li ba tum kpok kinkan ni ka ba tusa sɔɔni.

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.

JɔnN Deesi 2:12

“Sɔbi kin nama a la nyɛ naa la nyini Yesu nitiŋɛ ta a li Pɛgamum ni. “Mu waa naa kpak chisi nɔsa lɛ ti o li mu nɔ ni, ma nu chenani mu kaa ŋɔ ma.

JɔnN Deesi 2:18

“Sɔbi kin nama a la nyɛ naa la nyini Yesu nitiŋɛ ta a li Tiataya ni. “Mu waa naa Koosa be ka mu se sɛri a chi din a la chɛr nara se ka mu naŋgere sɛri ti funɛ chi sulminne ba kpa kɔɔri kina a lili kinkan, ma nu chenani mu kaa ŋɔ ma.

JɔnN Deesi 2:24

“Ma naa nyɛn Tiataya ni a vɛ tiŋ sintana wu sogle naa o biksi nara, mu daŋni ma duŋduŋnɛ kpak mu wuti biksi ti hali mu wa bur wa. Mu wa ŋɔ ma di ma bu ya wu digi.

JɔnN Deesi 2:8

“Sɔbi kin nama a la nyɛ naa la nyini Yesu nitiŋɛ ta a li Sumana ni. “Mu vɛ kpak piili a nyɛn a vɛ kpak peti. Mu funɛ sou, amaa lalaknɔ mu zi nyɛnu hali saha naa vɛ kpak bɔ.

JɔnN Deesi 21:5

Doone naa funɛ kanɛ a li Koosa jirima bar kani ni, fun ŋɔ min, “Mu naami kina maga kifalɛ.” O fun bu ŋɔ min, “Sɔbi chenani mu kaa ŋɔ hin nan a dau, domi mu sɛma deŋlu a ya wuti.

JɔnN Deesi 22:10

O fun bu ŋɔ min, “Ta kpa sɛm naa nyɛn tɔn nɔ ni a sogli, domi o wa zi vusi ka a zi ya wuti.

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 3:4

Ma naa nyɛn Sardis ni, bɔnɛ ha wa tum tum tagna naa nyɛ ma tusa doŋ. Mu zi nyɛ ma kipilimau ma laari a nyɛ ma wa min lagmi dɔŋ ni chenani ma ya chen daha.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.