Maak 3:8 - Tampulma

⁸ Bɔnɛ fun li Jɛrusalɛm awa Judia pulum. Bɔnɛ fun li Idumia pulum awa pulum naa maga nyɛn Jɔɔdan mɔɔga jibaŋ kinkin ti ni. Bɔnɛ ka fun li Taaya awa Saidɔn awa doon pulum ti maga. Ba maga funɛ nu tum zene nawara Yesu fun tumu a li ba tɔsi ta ni a wa o wati.

Maak 3:8 Iomraidhean Croise

Mat. 11:21

“Ma Korezin tima, yɛrɛ o kaa wa du ma ni? Ma Bɛtseida tima, yɛrɛ o kaa wa du ma gbanko ni? N fu tum alaazibu tum na a li Taaya awa Saidɔn tɔsa ni a chi chenani n fun tum ma wati nan, ba naa funɛ nyɛn dooni saha digi chen, ba fu zi gil ba tum tagnau. Ba fu zi laari takta naa la lɔk ba bara a kpa tɔ a buk ba se. Chen fu zi biksi di ba burgiu a tiŋ Koosa nyinbaan.

Mat. 4:25

Zɛmɛ kinkan fun tiŋ un a li Galili pulum awa Dɛkapɔlis pulum, Jɛrusalɛm, Judia, awa Jɔɔdan mɔɔga jibaŋ digi ni.

Maak 7:24

Yesu fun si dooni a kaali Taaya awa Saidɔn pulum. O funɛ la zu o dam chɔɔli dooni, o wa fun a daŋni nandigi zim di o nyɛn dam ti nɛɛ, amaa o sogli ti funɛ a li gbampulimu.

Maak 7:31

Yesu fun a li Taaya pulum ni a bur kaali tɔhɔn naa ba yir Saidɔn a la gali un ni, a fun la gali Dɛkapɔlis pulum ni a la li Galili bɛɛŋ ti.

Luk 6:17

Yesu wa o gantɛl tiŋsi ta fun li kuŋkule nyuhu ti a wa tu. Ba naa funɛ nyɛn o wati dooni funɛ iiu kinkan. Ba funɛ la tel tɛɛnɛ doonani mak dɔŋa, ba fun chem zɛmɛ kinkan a li Jɛrusalɛm awa Judia pulum maga ni awa tɔsi naa ba yir Taaya awa Saidɔn a naa funɛ nyɛn teku nɔ ni.