Maak 13:9 - Tampulma

⁹ “Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Maak 13:9 Iomraidhean Croise

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Maak 1:44

I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hin. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ma saha digi chen. Chen la zi biksi nara di i zagumti ti petiu.”

Maak 13:5

Yesu fun ŋɔ ba, “Ma doso ma ta wa nyɛ nandigi wa mur ma.

Maak 13:8

Tɛɛnɛ nɔ maga nara awa ba koorsa zi wa siu a chem dɔŋa wa laal ni. Tɛɛnɛ zi wa jimu kinkan ka lɔsa zi wa chel pulumsi ta maga niu. Kina maga kaa wa piili wiilire.

Maak 6:11

Amaa ma wa zu tɔ digi ka tɔhɔn ti nara vɛ la ma duuli koo a vɛ nu nyɛ ma, ma li dooni, a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Luk 9:5

Amaa ma wa zu tɔ digi ka tɔhɔn ti nara vɛ la ma duuli, ma li dooni a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Jɔn 16:2

Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

Tuma 21:11

O fun kaali Pɔɔl wati a la ŋɔ un di o kpa o chɛra kikirisa a nyɛ un. Pɔɔl fun kpa a nyɛ un. Agabus fun kani a kpa un a vɔu o nisa awa o naŋgere a ŋɔ, “Ma nu chenani Koosa siim weri ti fun ŋɔ minu. Chɛra kikirisi nɔ tiina la tel Jɛrusalɛm, Ju tima ba naa nyɛn dooni, zi wa vɔu unu a chi chenani mu vɔu mu titi nan, a kpa un a du ba naa vɛ ya Ju tim nisa ni.”

Tuma 7:54

Stivin funɛ sɛm peti chen, o sɛm ta fun zu ba naa nu chen, bambe ni. Ba paan fun si kinkan a du un ni,

Tuma 9:16

Mu zi biksi un chenani o zi biksi ba a na namsi kinkanu.”

Filip. Tima 1:29

Waa nyɛ ma se su Kristo a nyɛ ma gbanko namsi o daha.

2 Tɛs. 1:5

Koosa wa wa di o wa di tɛɛnɛ nɔ tim maga sɛria wa wuti, o zi wa ŋɔ di ma wa zu o koor ti, domi namsi naa ma namsi nan daha.

2 Jɔn 1:8

Ma nyini ma titi nɛnɛ, chen ni ma wa zi wa chel a chɔk ya tuma. Ma ya chen, ma zi wa na papaha naa Koosa kaa wa kpa nyɛ ma wuzu digiu.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.