Maak 10:1 - Tampulma

¹ Yesu fun li dooni a kaali Judia pulum a la ji Jɔɔdan jibaŋ kinkin ti. Nara kinkan fun wa lagmi o wati. O fun biksi ba Koosa wɛ. O yaa fun a biksi ba Koosa wɛ aa la.

Maak 10:1 Iomraidhean Croise

Mat. 26:55

Yesu fun burgi a ŋɔ zɛmɛ ta ni, “Mu ya ŋmɛɛrrɛ ma kpa chise zene awa daasa di ma wa kpak minn? N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min.

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Maak 1:21

Ba fun wa tɔhɔn naa ba yir Kapɛrnaum. Ba hiisi wuzu ti funɛ wa tel, Yesu kaali a la zu ba bar lagmi dɛ a fun biksi ba Koosa wɛ.

Maak 10:2

Farisi tim ta bɔnɛ fun wa di ba wa mo o lo a na o galimsa. Ba fun pɛɛsi un, “Nar duŋni o haan a ta, chen ya chiree?”

Maak 12:35

Yesu funɛ biksi ba a li Koosa bar jɛɛmi dam ti ni, o fun a pɛɛsi ba, “Yɛrɛ Koosa chiksɛ nibiksɛ ta yaa sɛm di Kristo ya koor Devid lullɛ? (Ba lisu di Devid funɛ ya nizen a kaali un. Chendaha ba yaa sɛm chene.)

Maak 14:49

N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min. Chenani ba fun sɔbi saha digi a li Koosa sɛm tɔn ti ni la ya zinan chen.”

Maak 2:13

Yesu fun bu si a li dooni a kaali Galili bɛɛŋ ti nɔ. Zɛmɛ fun wa o wati, ka o fun piili a biksi ba Koosa wɛ.

Maak 4:2

O fun jɛɛgi jɛɛgɛ a biksi kidamata a nyɛ ba a ŋɔ,

Maak 6:2

Ba funɛ nyɛn dooni, ba hiisi wuzu fun wa tel. O fun kaali a la zu ba bar lagmi dɛ a biksi nara Koosa wɛ. Nara kinkan funɛ nyɛn doon a nu o biksi ti. O ya ba alaazibu kinkan. Ba funɛ pɛɛsi dɔŋa, “Leene baal nɔ pu sɛm nama maga? Ka leene o vɛɛn pu zima nɔ? Ka yɛrɛ o zi yaa ya a tum o tum zene nama?

Maak 6:34

Yesu funɛ wa li arŋ ti ni, o fun a na zɛmɛ kinkan ka ba chiŋi dooni. Ba funɛ chi piisisa a naa vɛ kpak nigbaŋirɛ. Ba wɛ fun ya un siki, ka o vɛɛn a biksi ba wu damata dooni.

Maak 6:6

O fun jɛri Yesu kinkan. O fun si a kaali tɔ wisa naa nyɛn dooni chen, a biksi nara Koosa wɛ.

Jɔn 10:40

O fun bur la ji Jɔɔdan mɔɔg jibaŋ kinkin ti a la tel doonani Jɔn fun te chaksi nara wa ni ni a nyɛn dooni.

Jɔn 11:7

Wuzu bilɛ ta gantɛl nɛɛ, o fun ŋɔ o gantɛl tiŋsi ta ni, “Ma nyɛ ya bur a la Judia pulum.”

Jɔn 18:20

Yesu fun ŋɔ un, “Mu ha wa biksi nara tima a sogli. Mu ka yaa funɛ biksi ba gbampulim nɛɛ a li ba bar lagmi dɛɛni ta awa Koosa bar jɛɛmi dam ti nɛɛ. Doon ma nɛɛ Ju tim ta yaa lagmi.