Maak 1:41 - Tampulma

⁴¹ Yesu fun ɔm un siki a kpa o nin a gbaŋsi un a ŋɔ, “N daŋni i na alaafɛu. N tiibi hinu.”

Maak 1:41 Iomraidhean Croise

Mat. 9:36

O fun nyini zɛmɛ ta, ba wɛ fun kpak un siki, domi muksi funɛ kpak ba kinkan ba daŋni suŋi. Ba funɛ chi piisisi naa vɛ kpak nigbaŋirɛ aa nyuksi.

Maak 1:40

Zagum digi fun si a wa gbiri o suwachak ni a sumi un, “I fu la nɔɔni, i fu tiibi mu wichɔɔr ti nɔu.”

Maak 1:42

O funɛ ŋɔ chene, zagumti ti vaan gil un, ka o na alaafɛ.

Maak 4:39

O fun si o do ti ni a ŋɔ pehe ti ni di o chiŋi a ŋɔ ni ti ni di o du balimm. Pehe ti fun chiŋi. Ni ti gbanko fun a du balimm, hali o wa fun a dam tama.

Maak 5:41

Yesu fun la kpak be ti nin a ŋɔ un a li o titi sɛm ni, “Talita kumi.” Chen mun ya, “n be nihabichɛla, n ŋɔ hinu, kisi.”

Maak 6:34

Yesu funɛ wa li arŋ ti ni, o fun a na zɛmɛ kinkan ka ba chiŋi dooni. Ba funɛ chi piisisa a naa vɛ kpak nigbaŋirɛ. Ba wɛ fun ya un siki, ka o vɛɛn a biksi ba wu damata dooni.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 4:15

Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.