Maak 1:4 - Tampulma

⁴ Baal digi fun si a wa nyabaan ti. O sɔn funɛ ya Jɔn. O fun biksi narau Koosa wɛ a la chaksi ba wa ni ni. O fun ŋɔ ba, “Ma maga gil ma tum tagna a burgi a tiŋ Koosa nyinbaan. Ma ya chen, n zi chaksi ma wa ni niu ka Koosa zi gil ma tum tagni ta a nyɛ ma.”

Maak 1:4 Iomraidhean Croise

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Mat. 3:6

Ba funɛ nu o biksi ti, ba fun la nɔɔni di ba tum tum tagnau ka o fun kpa ni a chaksi ba a li Jɔɔdan mɔɔga ti ni.

Maak 1:5

Nidamata fun li Judia pulum awa Jɛrusalɛm a kaali o wati. Ba funɛ nu o biksi ti, ba fun la nɔɔni di ba tum tum tagnau ka o fun kpa ni a chaksi ba a li Jɔɔdan mɔɔga ni.

Luk 1:77

Hin la zi ŋɔ o nara ni di ba gil ba tum tagna a bur tiŋ Koosa, o zi yisi bau.

Jɔn 3:23

Jɔn gbanko funɛ chaksi nara wa ni nɛɛ a li tɔhɔn naa ba yir Enɔn, domi nidamata funɛ nyɛn dooni. O wa tɔhɔn naa ba yir Salim chen wa fun bol dɔŋ ni. Nidamata fun la o wati dooni di o chaksi ba.

Tuma 10:37

Ma gbanko zim chenani Jɔn fun te chaksi Yesu wa ni ni ka chenani zi ya a li Galili pulum awa Judia tɔsa maga niu.

Tuma 22:16

Ta bu nyɛ ya chiŋi aa pɔɔli. Si a nyɛ mu kpa Yesu sɔn a chaksi hin wa ni ni, chen ni Koosa zi chaksi i bambiu a gil i tum tagna a nyɛ hin.’ ”