Luk 8:1 - Tampulma

¹ Wuzu bile wuzu Yesu wa a gantɛl tiŋsa fidalɛ ta fun gba a zu tɔ damata awa tɔ wisa a biksi Koosa laaboor weri ti di o daŋni o dɔ narawa.

Luk 8:1 Iomraidhean Croise

Mat. 11:1

Saha naa Yesu fun ŋɔ o gantɛl tiŋsa nara fidalɛ ta ni a peti chen, o fun li dooni a kaali di o la biksi nara ba naa funɛ nyɛn tɔsi ni a dugli dooni Koosa laaboor weri ti wɛ.

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Mat. 9:35

A saha tirɛ Yesu funɛ gba aa go tɔsa awa tɔ wisa. O fun a biksi nara tima Koosa koor laaboor weri ti wɛ a li ba bar lagmi dɛɛni ta ni. O gbanko funɛ tiibi wichɔɔrsa magau.

Maak 1:39

Ba fun si a gba a go Galili pulum a la ŋɔ nara ni Koosa wɛ ba bar lagmi dɛɛni ni, a la duŋni alizin tagna a li nara ni.

Luk 1:80

Zɛkaraya be Jɔn ti fun bi a burgi nibaal. O fun li a la nyɛn nyabaan ni, hali saha naa o fun la li a biksi Ju tim ta gbampulim ni.

Luk 20:1

Wuzu digi Yesu funɛ biksi nara Koosa laaboor weri ti wɛ a li o bar jɛɛmi dam ti ni chene, Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta fun wa lagmi a pɛɛsi un,

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Luk 9:6

O funɛ sɛm chen peti, o gantɛl tiŋsi ta fun gba kaali tɔsi ta maga a la biksi nara Koosa laaboor weri ti wɛ a la tiibi nidamata.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 13:32

Chendaha ya wa bar nɔ zinan. Chenani Koosa fun vɔu a nyɛ ya nawaalsi ta ni chen,

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”