Luk 4:1 - Tampulma

¹ Yesu funɛ li Jɔɔdan mɔɔga ti ni, Koosa siim weri ti fun si un ni a kpa un kaali kɔha.

Luk 4:1 Iomraidhean Croise

Mat. 3:16

Yesu funɛ li mɔɔga ti tuha ni, o fun vaan na buudaha ka o puk o na Koosa siim weri ti. O funɛ chi komne a tu wa a zɔŋ o nyuhu ni.

Luk 2:27

Josɛf awa Mɛri wa be ti funɛ wa tel Jɛrusalɛm, ba fun la zu Koosa bar jɛɛmi dam ti a tum chenani Koosa sɛm tɔn ti biksi ba. Ba funɛ la zu dooni, Koosa siim weri ti fun nyɛ Simiɔn gbanko fun zu pu ba.

Luk 3:3

Jɔn fun gba a go nyabaan naa duglɛ mɔɔga naa ba funɛ yir Jɔɔdan chen jibaŋa. O funɛ biksi nara a ŋɔ ba, “Ma bur a li ma tum tagna ni, chen ni mu zi kotiu a chaksi ma wa ni ni. Ma ya chen, Koosa zi gil ma tum tagni tau a nyɛ ma.

Luk 3:38

Kenan nyana funɛ ya Inɔs. Inɔs nyana funɛ ya Sɛt. Sɛt nyana funɛ ya Adam. Koosa funɛ te naami Adamnɛ.

Luk 4:14

Yesu fun li dooni a bur kaali Galili pulum. O bur waali laaboora fun mɔɔli tɔsi naa nyɛn doon maga ni. Koosa siim weri ti kpok funɛ nyɛn un ni.

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Jɔn 1:32

Doone Jɔn fun ŋɔ ba, “Mu funɛ na Koosa siim weri ka o li buudaha. O funɛ chi komne a tu wa a zɔŋ Yesu nyuhu ni.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Tuma 1:2

O laali saha funɛ wa dugli di o la, o fun nyɛ Koosa siim weri ŋɔ o nitumɛ ba naa o fun yisi a nyɛ o titi ni, chenani ba zi tum. O funɛ ya chene, Koosa zer un a zini o tɔha.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 8:39

Ba funɛ wa li ni ti ni, ya kunyana Koosa siim weri ti fun vaan zer Filip a kaali, chen ni baal ti wa zi bu na un. Baal ti fun bu zu o loori munzuha ti a la wa tu sɔɔn kinkan ni.