Luk 16:1 - Tampulma

¹ Yesu funɛ biksi o gantɛl tiŋsi ta a ŋɔ ba, “Malɛ tiina funɛ nyɛn doon. O funɛ kpak nihɛɛrɛ naa funɛ nyini o kina maga. Wuzu digirɛ nandigi fun wa ŋɔ malɛ tiin ti ni di baal naa o nyɛ o nyini o kina chen, chɔk au.

Luk 16:1 Iomraidhean Croise

Mat. 20:8

“Nha funɛ wa chel, ŋmaha ti tiin ti fun ŋɔ tumtumsi ta nihɛɛ ni, ‘Yir niparɛ ta di ba wa. Ba wɛɛ, i bɔ ba ba malɛ. Te a piili a bɔ ba naa tiŋ gantɛl a wa chen, a bɔ a la peti ba naa te wa chen ni.’

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Luk 15:13

Wuzu bilɛ wuzu bichɛl tiin ti fun kpa o tori ti a yogli, a fun kpa o malɛ a li dam ti ni. O funɛ gbau a kaali tɔ bar boli a la di o malɛ ta maga womsini.

Luk 15:30

Amaa i be nɔ funɛ di i malɛ magwa womsini a kpa a a daŋni nihaana yɔri yɔri. O funɛ wa bur wa dama, i funɛ kpu i nuchamsirɛ a nyɛ un.’

Luk 16:19

Yesu fun bukoo ŋɔ ba, “Malɛ tiin digi funɛ nyɛn doon a laari kilaarɛ naa malɛ kpokee kinkan. O funɛ kpak kin naa maga o daŋniu.

Luk 16:2

O fun yir nihɛɛ ti a ŋɔ un, ‘Nandigi wa sɛm min i wɛ. Kpa tɔn naa biksi di mu nin kina maga nyɛn dooni a nyɛ min. I wa zi bu ya mu nihɛɛ wuzu digi.’

Luk 19:20

Gantɛl tiŋ ti fun wa ŋɔ un, ‘Mu kunyana, i salma malɛ bɛgim ti nɛɛnɛ. N funɛ kpa unu a sogli mu gar nɛɛ.

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

Jems 4:3

Maa sumi Koosa di o kpa kina a nyɛ ma, chenani ma bambi lise du wa deŋli. Ma duŋduŋ daŋni daha maa sumi Koosa. Chendaha o vɛ kpa a a nyɛ ma.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.