Luk 13:1 - Tampulma

¹ A saha ti nara bɔnɛ funɛ wa ŋɔ Yesu ni Galili tim bɔnɛ wɛ. Ba funɛ kɔɔri kɔɔra a nyɛ Koosa ni a li o bar jɛɛmi dam ti ni chene, gɔbnati nyuhu tiina naa ba funɛ yir Pailɔt fun tum o lanjimasa ba la kpu ba.

Luk 13:1 Iomraidhean Croise

Mat. 27:1

Chɔɔsa funɛ wa pisi, Koosa dam kɔkɔɔrsi ta awa Ju tima nihɛɛti ta maga fun lagmi a na dɔŋa di ba kpu Yesu.

Mat. 27:2

Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Tuma 1:11

Nara balɛ ta digi fun ŋɔ ba, “Ma Galili tima, baŋnɛ ma chiŋi bar nɔ a nyini buudaha ni di ma ya? Chenani ma na ka Koosa zer o waa Yesu a zini o tɔhɔn ti, chene o vɛɛn kaa wa bur wa wuzu digi.”

Tuma 2:7

Alaazibu fun kpak ba kinkan. Ba fun ŋɔ dɔŋ ni, “Nara nama la sɛm sɛma ya wati nan ya Galili timwa.

Tuma 5:37

O gantɛl nɛɛ ba fun wa gur nara maga. Chen saha ti nidamata fun li tiŋ baal naa funɛ li Galili pulum chen. O sɔn funɛ ya Judas. Lanjimasi ta fun kpu o gbanko ka o gantɛl tiŋsi ta pisi dɔŋ ni.