Luk 1:1 - Tampulma

¹ Min, Luk, la sɔbi tɔn nɔ a nyɛ mu kunyan Tɛɔfilus ni nan. Nidamata funɛ kpaŋi ba titiu a sɔbi kin naa maga funɛ ya ya wati.

Luk 1:1 Iomraidhean Croise

Maak 16:20

O gantɛl tiŋsi ta ka fun si a kaali bar damata aa la sɛm Koosa laaboor weri ti a nyɛ nara ni. Koosa fun suŋi ba ba koti a tum tum kpoka aa gbaari, chen ni nara zi zimu di ba sɛm ta ya wutirɛ.))

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Room 14:5

Nibine bɛgim la nyɛ wuzu digi wa jirima a kaali wuzu bɔnɛ. Digi ka zi ŋɔu di wuzuna maga ya kibɛgimnɛ. Mu daŋni ma nidigirɛ zim ma bambe ni chenani ma zi tum.

Room 4:21

O fun kpak bambi kinkan di Koosa zi tum chenani o sɛmu.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 6:11

Ya daŋni kinkan di ma kpak un ma bambe ni di maa suŋi ba hali ma nyɛni saha wa peti. Maa ya chen, chen ni ma bambi bɛgim naa ma kpak Koosa ni chen, zi ya wutiu.