Ju 8:5 - Tampulma

⁵ Tum naa Ju tim Koosa dam kɔkɔɔrsi ta tum, ya chamsirɛ a li chenani Yesu tum a li Koosa tɔhɔn ti ni ya daha. Mosis funɛ saksi di o du Koosa lɛu ti nyabaan ni saha digi, Koosa funɛ ŋɔ unu, “Doso a du un a chi chenani mu fun biksi hin bi naa ba yir Sainai ni chen”.

Ju 8:5 Iomraidhean Croise

Mat. 2:12

Ba funɛ hiisi chene, Koosa fun sɛm ba a li ba deesi ni a ŋɔ, “Ma ta bur la Hɛrɔd wati.” Doone ba fun si a tiŋ nyinbaan digi a kaali ba tɔha.

Tuma 7:44

“Ya nawaalsa funɛ gba a li nyabaan ni, ba yaa kpa ba lɛuu naa biksi ba di Koosa nyɛn ba watiu, a val. Mosis fun kɔɔri un a chi chenani Koosa fun ŋɔ un chen.

Kɔl. 2:17

Kin nama wa bu ya kibirige. Kristo kin nawara ya wuti chiŋɛ a bar chiŋi ni lalaknɔ.

Ju 10:1

Koosa chiksɛ naa nyɛ Ju tim ta yaa fun kɔɔri kɔɔra a nyɛ Koosa ni bun kam, wa koti a yisi ba naa wa o wati, a li ba tum tagna ni hali a wa peti. Chendaha a waa ya kibirige naa Kristo zi ya nyɛ ya simsimsa duŋduŋ.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 13:10

Ju tim dam kɔkɔɔrsa ba naa la tum Koosa lɛu tuma saha digi, ba waa funɛ kpak nyinbaan di ba di kɔɔrisi ta a li biŋbiŋnɛɛ. Daakakli naa Yesu fun sou chi ya biŋbiŋnɛ. Ba wa kpak nyinbaan di ba di a li un ni.

Ju 9:9

Chenani o fun du saha digi, o ha vɛɛn du chene hali wa zinan. Ju tima Koosa dam kɔkɔɔrsi ta fun kpa nara tima papaha a kɔɔri kɔɔra a nyɛ Koosa ni di a chiŋi ba tum tagna bar chiŋi ni. Chenani ba ya wa chaksi ba tum tagna a li ba bambe ni.

JɔnN Deesi 15:5

Ba funɛ lɔ bool ti peti, mu fun na ka doonani Koosa fun lisi kinkan o bar jɛɛmi dam ti ni, zɔɔnɔ puk.