Ju 3:1 - Tampulma

¹ Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Ju 3:1 Iomraidhean Croise

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Jɔn 20:27

Yesu fun chiŋi a ŋɔ Tɔmas ni, “Kpa i nin a gbaŋsi doonmani ba fun kpaasi chen a bu kpa i nin a tau mu lɔgum hɛn ti ni. Ta beeli a nyɛ i si su di mu si mu sou nɛɛ.”

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Room 11:17

Ju tim ta chi bugil naa Koosa fun chɔɔsirɛ. Ba yir un ‘ɔlif’. Koosa fun a teŋsi o hulsi ta bɔnɛ a ta a kpa ma a chiŋsi a bar chiŋɛ ni. O funɛ ya chene, chen ni ma wa o hulsi ta zi lagmi dɔŋ niu a la weri naa la li luti ta ni.

Room 15:27

Ba funɛ nyɛn chim nɛɛ ba naa nyɛn Jɛrusalɛm ni. Chenani ba fun ya chen weru. Ba naa vɛ ya Ju tima funɛ nu Koosa laaboor weri ti wɛ a li Ju tim ta wati, o deŋlu di ba kpa ba kina a suŋi ba.

Room 15:8

Ma nyɛ mu ŋɔ ma, Kristo funɛ wa tum a nyɛ Ju tim ta ni, chen ni Koosa vɔwɛ a naa o fun ŋɔ a nyɛ Abraham, Aizik awa Jakɔb ni, zi burgi wutiu.

Room 9:24

Ya waa ya ba naa o fun tum chen nyɛ. Ya naa ya Ju tim ta awa ma naa vɛ ya Ju tima, waa funɛ yir ya di ya wa o wati.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 10:17

Ya maga ya nibɛgim boroboro bɛgim ti daha.

1 Kɔr. 9:23

Mu ya chene o laaboor weri ti daha, chen ni mu zi wa na kiwere a naa Koosa fun vɔu di o nyɛ ya chenu.

2 Kɔr. 1:7

Ya se su di ma zi kpaku a kpok. Ya zimu di ma namsi ti awa ya namsi ya kibɛgimnɛ. Chendaha Koosa belimi ma awa ya.

2 Kɔr. 9:13

Ma suŋi ba kinkan chen ni, ma biksi narawa di maa tiŋ Koosa laaboor weri ti Yesu Kristo wɛ nɛnɛ. Ba zi nyɛ Koosa jirimau, domi ma waa la suŋi ba awa nara maga kinkan.

Ɛfɛ. 3:6

Ma nyɛ mu biksi ma a muna. Ba naa vɛ ya Ju tima nyɛ ba se su Koosa laaboor weri ti, ba wa Ju tim ta ya nɔ bɛgim a bɔni Koosa papaha naa o fun vɔu di o nyɛ Ju tim ta ni chen. Ba wa Yesu Kristo ya nibɛgimnɛ a zi la kin naa maga Koosa fun vɔu di o nyɛ ba naa se su Yesu Kristo ni.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 4:4

Koosa siim weri ti ya nibɛgimnɛ. Ba naa maga se su Yesu, ba ya nibɛgimnɛ. Koosa gbanko funɛ lisi ma di chenani ma kpak bambi bɛgim un ni ya kibɛgimnɛ.

Filip. Tima 3:14

Koosa funɛ yir min di mu wa lagmi Yesu Kristo ni a nyɛn o tɔhɔn ti ni wuzu digi. Chendaha mu kpaŋi mu titi di mu ya chen.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

1 Tɛs. 5:27

Mu kpak ya kunyan ti kpoku di mu ŋɔ ma ma karimi tɔn nɔ a nyɛ Yesu nitiŋɛ ba naa maga nyɛn dooni.

2 Tɛs. 1:11

Chendaha ya yaa sumi un ma daha. Waa funɛ lisi ma di ma la o mi fali ti. Yaa sumi unu di o nyɛ ma o kpok ti yaa tiŋ o mi fali ti nɛnɛ. Ya vɛɛn a sumi unu di o suŋi ma ma kitum tum were a naa maga ma daŋni ma tum hali a wa peti, domi ma se su un.

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

1 Tim. 6:2

Ba kunyam ta ya Yesu nitiŋɛ, ba ta vɛ ba jirima nyɛɛli, domi ba ya ba dɔŋtima daha. Ba tum tuma kinkan a gbaari, domi ba dɔŋtim ta ba daŋni chen la zi na nyɔɔra a li ba tum ta ni. Kibiksi kin nama a nyɛ i nara ni.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

2 Tim. 2:7

Kilisi chenani mu sɛm hin nan. Koosa zi suŋi hinu ii zim mu sɛm ta muna.

Ju 10:19

Mu niinbisa, domi Yesu funɛ sou a nyɛ ya, ya na nyinbaanu lalaknɔ di ya zu lɛu ti dɛ mun dɛ ti doonani Koosa nyɛn.

Ju 10:21

Yesu naa ya ya Koosa dam kɔkɔɔra zen ya naa la nyini ba naa maga la tiŋ un.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Ju 13:22

Mu niinbisa, mu tɔn naa sɔbi a nyɛ ma nan, o wa ziŋ. Mu sumi mau di ma nu mu sɛma a naa la zi kpami ma, wa kanyita ni.

Ju 2:11

Naa funɛ nyɛ Koosa yisi ya a li ya tum tagna ni, o nyana awa ya nyana ya nibɛgimnɛ lalaknɔ. Chendaha Yesu vɛ kpak hiisa di o yir ya o niinbisa.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 3:12

Mu niinbisa, ma doso. Ma ta nyɛ ma se suuli bur gantɛl ka ma tum tum tagna, a bur tiŋ Koosa naa nyɛnɛɛ, nyinbaan.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 6:20

Yesu ya ya Koosa dam kɔkɔɔra a chi Mɛlkizidɛk hali saha naa vɛ kpak bɔ. Waa funɛ te ya suwachak a la zu dooni ya daha.

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Ju 7:28

Ju tim ta yaa funɛ tiŋ Koosa chiksɛu a la lisi ba Koosa dam kɔkɔɔrsa ba naa vɛ kpak kpok. Koosa ka fun lisi o be ti di o ya ya Koosa dam kɔkɔɔra a hɛɛsi di o wa zi wa chɔk chenani o lisi chen. O funɛ biksi Koosa di o yaa kitiŋ o nɔ a li kina maga ni a nyɛn hali saha naa vɛ kpak bɔ.

Ju 9:11

Kristo naa ya ya Koosa dam kɔkɔɔra, nyinbaan ya kibirigi a kaali nyinbaan buni ti. Waa tum o tuma a nyɛ Koosa ni a li lɛu naa Koosa fun du o tɔhɔn ti ni. O waa zenee a kaali lɛu naa Ju tim ta fun du a li nyabaan ti ni saha digi chen.

Ju 9:15

Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Pita 3:5

Nihaana ba naa funɛ nyɛn saha digi chen, bɔnɛ fun tiŋ Koosa nyinbaan a kpak bambi bɛgim un ni a tiŋ ba baalasa nɔɔna. Chendaha ba fun a di tula o suwachak ni.

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 18:20

Doone mu fun nu ta ka o ŋɔ, “Ma naa ya Koosa nitumɛ awa o witinsa wa ba naa maga nyɛn o tɔhɔn ti ni, ma nyɛ ma tusa sɔɔni kinkan domi tɔ zen ti chel daha. Waa funɛ na o galimsa a ta un yɔri ma daha.”