Ju 13:2 - Tampulma

² Ma ta suglɛ di ma la hɔɔra aa du ma damsi ni. Bɔnɛ funɛ ya chene saha digi, ba wa fun zim di ba la Koosa malaikasiwa a du.

Ju 13:2 Iomraidhean Croise

Mat. 25:35

Lɔsa funɛ kpak min, i nyɛ min diwe mu di. Nyɔksa gbanko fun kpak min, i nyɛ min ni mu nyɔ. Mu funɛ ya hɔɔrrɛ, ma la min a du ma damsi ni.

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Mat. 25:43

N funɛ ya hɔɔr, ma wa fun la min a du ma damsi ni. N funɛ vɛ kpak kilaarɛ, ma wa fun nyɛ min kilaarɛ mu laari. Wichɔɔrta funɛ kpak min ka ba fun tɔ min dɛ, ma wa fun wa nyini min.’

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

Room 16:23

Gaiyus naa funɛ la min a du o dam ni doonani Yesu nitiŋɛ ta yaa lagmi, o gbanko zaami mau. Ɛrastus naa la nyini tɔha malɛ awa ya niinbe Kɔrtus zaami mau. ((

1 Tim. 3:2

O lawa o kpak sɔn weriu nara wati a kpak nihaan bɛgim duŋduŋ a kpak o titi nɛnɛ a ya bambi tiina a tiŋ nɛnɛ a la hɔɔra a du o dam ni a koti aa biksi nara.

Tait. 1:8

O lawa o la nara a du o dam niu aa kidaŋni o tum tum were saha maga. O lawa o ya nɛha tiinau a ya nibin weri naa tiŋ Koosa nɛnɛ a ya bambi tiina.

1 Pita 4:9

Ma la dɔŋa aa du dɔŋ damsi ni a ta zulimi.

3 Jɔn 1:5

Mu chɛna, o weru di i yaa kila Yesu nitiŋɛ ta a du aa kisuŋi ba. Ma wa zim ba bɔnɛ, amaa ma yaa la bau a la suŋi ba. Chenani maa tum nan, ma sir tiŋ Koosa nyinbaanu nɛnɛ.