Ju 10:10 - Tampulma

¹⁰ Domi Yesu Kristo funɛ tiŋ Koosa tutɔrɛ a wa sou bu bɛgim duŋduŋ ya daha, Koosa dɔ ya lalaknɔ.

Ju 10:10 Iomraidhean Croise

Jɔn 17:19

Mu lisɛ mu titiu a li ba ni di mu tiŋ i tutɔ a sou a nyɛ ba, chen ni ba zi kotiu a tiŋ i wuti nyinbaan a ta bur la lagmi tɛɛnɛ nɔ tim maga ni.

Jɔn 19:34

Lanjimasi ta nidigi fun kpa o tim a tau o lɔgum hɛna. O funɛ tau un chen, chɛl awa ni funɛ li.

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

Ju 10:12

Kristo funɛ sou ya daha, o fun a burgi ya kɔɔra a chiŋi ya tum tagna bar chiŋi ni bu bɛgim. O funɛ wa si o sou ni, o fun zini a zu Koosa tɔhɔn ti a la kani Koosa nihɛɛ bar kani ni. O kɔɔri nɔ zi chiŋiu hali saha naa vɛ kpak bɔ.

Ju 10:14

O kɔɔri bɛgim ti daha, wuzu digi Koosa zi yisi ba naa maga o dɔu a li ba tum tagna ni hali a wa peti. Chenani o zi ya zi nyɛnu hali saha naa vɛ kpak bɔ.

Ju 10:20

O chi gar naa ba fun kpa a purigi Koosa lɛu ti bilɛ ya Kristo barawa. Saha naa o fun sou chen, o fun puk nyinbaan fali di ya tiŋ un a la pu Koosa a la o mi fali ti.

Ju 10:29

Nan funɛ du Ju tim ta ni chen saha digi, yɛrɛ o fu zi du ba naa kpa Koosa be a dau gbampulim ni a nɔsi? Ba kpa o chɛl naa chaksi ba bambe a nyɛ Koosa wa ba ya nɔ bɛgim a ŋɔ di o ya yɔrirɛ a pini Koosa siim weri naa la suŋi ba, zoma, ma wa lisi di Koosa zi wa lɛrgi ba diŋsau a kaali chenani Ju tim ta fun lɛrgi ba naa funɛ vɛ kpak wu digi wa Koosa chiksɛ saha digi chen diŋsauu?

Ju 10:5

Chendaha Kristo funɛ saksi di o wa tɛɛnɛ nɔ maga, o fun a ŋɔ Koosa ni, “Mu zimu di i wara daŋni nara kpa ba sela a kɔɔri kɔɔrsa a nyɛ hin. Chendaha i fun saksi bara di i nyɛ min di mu la chiŋi a bar chiŋi ni a sou.

Ju 13:12

Chendaha Yesu gbanko fun namsi kinkan a li Jɛrusalɛm gantɛl ni, chen ni o chɛl ti zi chiŋi ya tum tagna bar chiŋi niu.

Ju 2:11

Naa funɛ nyɛ Koosa yisi ya a li ya tum tagna ni, o nyana awa ya nyana ya nibɛgimnɛ lalaknɔ. Chendaha Yesu vɛ kpak hiisa di o yir ya o niinbisa.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

Ju 7:27

O wa Ju tima Koosa dam kɔkɔɔrsi ta wa ya nibɛgim. Ba waa yaa fun te kɔɔri kɔɔra a nyɛ Koosa ni di a chiŋi ba tum tagna bar chiŋi ni, a zi kɔɔri kɔɔra a nyɛ Koosa ni di a chiŋi nara tum tagna bar chiŋi ni. Yesu wa zi daŋni o ya chen. O funɛ sou chen, o fun kpa o titi a kɔɔri kɔɔra a nyɛ Koosa ni bu bɛgim duŋduŋ.

Ju 9:12

Kristo funɛ la zu lɛu naa Koosa fun du o tɔhɔn ti ni chen tuha a kaali doonani Koosa fun lisi kinkan a kpalimi dooni, o wa fun kpa buuna awa nupɔla chɛllɛ a nyɛ un dooni. O ka fun kpa o titi chɛl a nyɛ un, chen ni o zi kotiu a yisi ya a li ya tum tagna ni ya tiŋ un hali saha naa vɛ kpak bɔ.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Ju 9:26

O fu ya chen ni, saha naa Koosa fun naami tɛɛnɛ nɔ maga hali wa zinan, o fu zi namsi bu damatau a sou. Tɛɛnɛ nɔ maga siili saha funɛ wa dugli, o fun wa sou ya daha bu bɛgim a lisi tum tagna kpok a ta.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Jɔn 5:6

Yesu Kristo funɛ wa tɛɛnɛ nɔ maga, ba wa fun chaksi un wa ni duŋduŋnɛ. Ba funɛ vɛɛn a kpu unu a gbaari ka o chɛl li. Koosa siim weri naa ya wuti tiina, waa ya sɛhɛra a li o chaksi awa o kpuuli ti ni.