Ju 1:13 - Tampulma

¹³ Ba gbanko fun sɔbi di Koosa ŋɔ, “Kuwa a wa kani mu nihɛɛta bar kani ni, ka mu nyɛ i dɔma burgi i yosa.” Koosa wa fun ŋɔ nan o malaikasi ta digi daharɛ. O ka funɛ ŋɔ nan o be ti daharɛ.

Ju 1:13 Iomraidhean Croise

Mat. 22:44

‘Mu kunyana Koosa funɛ ŋɔ mu kunyan ti ni, kani mu nihɛɛti bar kani ni, ka mu nyɛ i dɔma burgi i yosa.’

Maak 12:36

Koosa siim weri ti funɛ biksi Devid saha digi, Devid fun a sɛm Kristo wɛ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni, ka mu nyɛ i dɔma burgi i yosa.’

Luk 19:27

Mu dɔm ba naa vɛ daŋni mu ya ba koora chen. Ma la kpa ba a wa kpu mu suwachak ni.’ ”

Luk 20:42

Devid titi funɛ sɔbiu a li Koosa sɛm tɔn ti bar digi naa ba yir Saams chen ni a ŋɔ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni,

Tuma 7:55

amaa Koosa siim weri ti fun si Stivin bambi ni a nyɛ o nyini a na Koosa jirima awa o chaani kinkan a li o tɔhɔn ti ni. O funɛ vɛɛn nyɛ o na Yesu ka o chiŋi Koosa nihɛɛti bar kani ni dooni.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.