Jɔn 3:3 - Tampulma

³ Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Jɔn 3:3 Iomraidhean Croise

Mat. 16:17

Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.

Mat. 19:24

Ma nyɛ mu bukoo ŋɔ ma, bɔla koti a zu nɛɛsi bɔ, kin tiina gbanko zi koti a wa zu Koosa koor tiu.”

Mat. 21:31

Doone Yesu fun pɛɛsi ba, “Ba nara balɛ na, anti tum chenani ba nyana daŋni?” Ba fun ŋɔ un, “Nihɛɛ ti.” Yesu fun bukoo ŋɔ ba, “Wutirɛ mu sɛm ma, lampo nilalɛ ta awa nihaana ba naa la daŋni nibaala yɔri yɔri, ba waa la zi gil ba tum tagna a te ma suwachak a zu Koosa koor ti.

Mat. 5:18

Ma nu nan. Hali kina maga wa si peti, nandigi wa zi koti a nyɛ Koosa chiksɛ ta kiwewe wa si peti.

Maak 10:14

Yesu funɛ wa na chen ni, o fun na paan a ŋɔ o gantɛl tiŋsi ta ni, “Ma nyɛ bichɛsi ta kuwa n wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?

Maak 9:47

Nibine ka kpa o si a tum tum tagna aa tiŋ tum tagna nyinbaan, o yisi o si ti a yo ta, domi nibine naa kpak si bɛgim a kpak Koosa miisa, waa bɔɛɛ wa o kpak se alɛ a la zu din dam ti.

Jɔn 1:13

Chenani ba yaa lul ba bichɛsa, o wa nyɛ ba ya Koosa bisa. O wa fun ya nibinsa tutɔrɛ di o burgi ba nyana. O ka ya o tutɔrɛ di o burgi ba nyana.

Jɔn 1:5

O miisi ti chi fitinne a chaani birsi ni. Birsi ti wa koti a dusi un.

Jɔn 1:51

Doone Yesu fun burgi a ŋɔ ba naa nyɛn dooni, “Wutirɛ mu sɛm ma, ma zi na buudahau ka o puk ka Koosa malaikasa tu wa n waa nibine be wati a bur a zini kaali.”

Jɔn 12:40

“Koosa funɛ nyɛ ba se tɔ a nyɛ ba bambe ya bambe sitɛ, chen ni ba wa zi koti a na aa zim chenani o ya. O vɛ ya chen, ba bambe zi chɛrgiu chen ni o gil ba tum tagna a nyɛ ba.”

Jɔn 3:4

Nikɔdimus fun pɛɛsi un, “Yɛrɛ Koosa kaa ya a kpa o mi fali a nyɛ nibine naa piin zen ni? O niina wa kibu koti a lul un bilɛ.”

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Gal. 6:15

Koosa baga wa to di nara teŋsi dɔŋa koo ba wa teŋsi. O baga ka nyɛnu di o kɔɔri ma ma ya nibin falɛ.

Ɛfɛ. 2:1

Saha digi ma yaa funɛ tum tum tagniwa a vɛ tiŋ Koosa nɔ. Ma funɛ chi nisitɛwa.

Tait. 3:5

o fun yisi ya a li ya tum tagna ni yaa tiŋ un. O wa fun ya chen ya titi tum were daharɛ, amaa o ka funɛ ɔm ya sikirɛ. O fun kpa o siim weri a du ya ni, di o chaksi ya tum tagna a li ya ni a kpa o mi fali ti a nyɛ ya.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

1 Jɔn 5:18

Ya zimu di ba naa ya Koosa bisa chen, tum tum tagna, ba tusa wa zi sɔɔni. Koosa be ti la suŋi ba, chen ni sintana wa kikoti a la ba kpok.

1 Jɔn 5:4

Ba naa maga ya Koosa bisa ka ba se su un nɛnɛ zi nyaŋi ba tutɔ daŋnɛu.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.