Jems 5:20 - Tampulma

²⁰ o lawa o zimu di nara wa yisi tum tagna nitumi a li o tum tagna nyinbaan ni, Koosa zi gil o tum tagna damatau a nyɛ un a ta bu na o galimsa a ta un yɔri. Ma zaami ba naa maga nyɛn ma wati a nyɛ min.

Jems 5:20 Iomraidhean Croise

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 9:22

Mu wa ba naa se vɛ su Yesu nɛnɛ, wa lagmi, mu yaa burgi ba warɛ, chen ni mu zi suŋi bau di ba tiŋ un nɛnɛ. Chenani nibinsa du, mu gbanko du chene, chen ni mu zi la ba bɔnɛu a nyɛ Koosa ni.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

Faili. 1:19

Mu titi la sɔbi nan a nyɛ hin. O pɛŋ i malɛ, mu vɔu di mu zi bɔ hinu. Mu biksi ti funɛ nyɛ i si su Yesu Kristo. Chendaha o chi min dɔ hin.

Jems 1:15

Ya tiŋ ya bambe kidaŋnɛ, ya zi tum tum tagnau. Ya tum tagna nyinbaan wa peti, Koosa zi wa na ya galimsau a ta ya yɔri.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

Jems 5:15

Ba ya chen, ka ba se su di Koosa zi nyɛ wichɔɔrti tiina na alaafɛu, o zi na alaafɛu. Tum tagna naa o tum, Koosa zi gil a nyɛ unu.

Jems 5:19

Mu niinbisa, ma nidigi wa nyuksi wuti nyinbaan ti ka ma nidigi bu kpa un a bur wa,

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

JɔnN Deesi 20:6

Ba naa Kristo fun te lisi a lɛli ba a li ba sou ni, ba tusa zi sɔɔniu. Ba zi ya Koosa awa Kristo dam kɔkɔɔrsau ka ba wa un dɔ bun tusuga. Saha ti wa peti ka Koosa zi wa na ba naa kpalimi chen galimsa a ta ba yɔri, o wa zi wa la nɔɔni di o ya chen a nyɛ ba.