Jems 5:15 - Tampulma

¹⁵ Ba ya chen, ka ba se su di Koosa zi nyɛ wichɔɔrti tiina na alaafɛu, o zi na alaafɛu. Tum tagna naa o tum, Koosa zi gil a nyɛ unu.

Jems 5:15 Iomraidhean Croise

Mat. 17:20

O fun ŋɔ ba, “Ma se wa su min kinkan. Chendaha ma vɛ koti a duŋni un a taali. Ma nyɛ mu ŋɔ ma, ma se suuli awa ‘mastad’ kiduha naa ya kiwewe chen mak dɔŋa, ma zi koti a ŋɔ kuŋkule nɔ ni, si a la bar nɔ. O si a kaali dooni. Chen ni ma zi kotiu a tum tum maga.” ((

Jɔn 5:14

A gantɛl nɛɛ Yesu fun wa na un Koosa bar jɛɛmi dam ti ni a ŋɔ un, “Lalaknɔ i na alaafɛu. Ta bu tum tum tagna. I tum a, chenani i zi du zi taginiu a kaali o piili ti ni.”

Jɔn 6:39

Naa tum min chen tutɔ ti chi nɛɛnɛ. Mu zi nyini ba naa o kpa nyɛ min chenu ka ba digi ta nyuksɛ. O wa wa di o di tɛɛnɛ nɔ tim maga sɛria, mu zi lɛli ba a li ba sou ni a nyɛ ba o mi fali naa vɛ kpak bɔ.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

2 Kɔr. 4:14

Ya zimu di Koosa naa funɛ lɛli ya kunyana Yesu a li o sou ni chen, o gbanko zi lɛli yau a li ya sou ni a chi Yesu, a nyɛ ya wa ma lagmi o suwachak ni.

Jems 1:6

Ma sumi Koosa, ma nyɛ ma se su un a ta beeli. Nibin beeli chi chenani peha yaa mo ni a la suwachak awa gantɛl chene.

Jems 5:13

Nandigi nyɛn ma ni a namsiuu? O sumi Koosa. Nandigi nyɛn ma ni a kpak tu sɔɔnauu? O lɔ boola a pɛgi Koosa.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.

Jems 5:20

o lawa o zimu di nara wa yisi tum tagna nitumi a li o tum tagna nyinbaan ni, Koosa zi gil o tum tagna damatau a nyɛ un a ta bu na o galimsa a ta un yɔri. Ma zaami ba naa maga nyɛn ma wati a nyɛ min.