Jems 5:13 - Tampulma

¹³ Nandigi nyɛn ma ni a namsiuu? O sumi Koosa. Nandigi nyɛn ma ni a kpak tu sɔɔnauu? O lɔ boola a pɛgi Koosa.

Jems 5:13 Iomraidhean Croise

Mat. 26:30

Ba funɛ di diwe ta peti, ba fun lɔ bool a nyɛ Koosa ni a si a li kaali Ɔlif bi ti nyuha.

Luk 22:44

O fun na bar wiha kinkan, a fun sumi Koosa wa si sɛm ni ka o wilim fun chi chɛl aa chesi tɛɛnɛ ni.

Luk 23:42

Doone o fun ŋɔ Yesu ni, “Yesu, i wa di i koor ti, i lisi mu wɛ.”

1 Kɔr. 14:15

Yɛrɛ mu kaa ya? Mu zi sumiu awa mu siim ti ni a sumi awa mu bambi gbanko ni. Mu zi lɔ boolau awa mu siim ti ni, a lɔ wa mu bambi gbanko ni.

1 Kɔr. 14:26

Mu niinbisa, yɛrɛ mu zi bu a chiksi ma maa zim? Ma wa lagmi dɔŋ ni, ma nibɛgim yaa lisi Koosa pɛgi boola maa lɔ, digi biksi ma, digi ka biksi sɛm sogle naa Koosa biksi un, muna, digi ka sɛm sɛm kurgɛ, ka digi ka biksi a muna. Ma nyɛ a nama maga maa ya chen kisuŋi dɔŋa.

Ɛfɛ. 5:19

Maa lɔ boola naa Koosa siim weri ti nyɛ ma aa kipɛgi Koosa ma bambe ni saha maga.

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

Jems 5:10

Mu niinbisa, ma lisi Koosa witinsa ba naa funɛ nyɛn saha digi, a sɛm Koosa sɛm ta chen. Ma lisi chenani ba fun kpak kanyita a li ba namsi ni. Ma gbanko kpak chen kanyita.

JɔnN Deesi 14:3

Ba naa wa piisi be ti funɛ chiŋi, ba se funɛ chem doonani Koosa jirima bar kani awa sela naasi ta wa nihɛɛta fumlɛ danaasi ta fun nyɛn, a lɔ bool fali. Kɔk di fumnaasi danaasi tusugsa ba naa piisi be ti fun lisi a li tɛɛnɛ nɔ tim maga, ba duŋduŋ funɛ koti a lɔ bool fali ti.

JɔnN Deesi 7:10

Ba fun tɛsi wa ta zaŋ ni a ŋɔ, “Koosa naa la kani o jirima bar kani ni awa piisi be ti, ba maga funɛ yisi ya a li ya tum tagna ni hali a wa peti a kpa ya wa bar nɔ.”