Jems 3:6 - Tampulma

⁶ Nibine zulum chi dinne. Ya zuluma kote a sɛm sɛm tagna a naa kurgɛɛ kinkan a la chɔk chenani ya bambe du. Hali o chi din naa yaa li sintana ni aa chɔk kina maga ya daŋni yaa tum.

Jems 3:6 Iomraidhean Croise

Mat. 12:24

Farisi tim ta funɛ nu chenani ba sɛm dɔŋ ni, ba fun ŋɔ ba, “Biɛlzɛbub, naa ya alizin tagna maga koora, nyɛn un ni a la nyɛ un kpok saha maga, chen ni o zi koti a duŋni alizin tagnau a li nara ni.”

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Maak 7:15

Kin naa la zu ma tuha, o wara nyɛ ma doŋa, amaa kinkin naa la li ma nɔ ni, warɛ nyɛ ma doŋa. ((

Luk 16:24

Doone o fun tɛsi a ŋɔ, ‘Mu kunyana Abraham, ɔm min siki. Mu namsi kinkannɛ a li din dam nɔ ni. Tum Lazarus o la zɔk ni tama a wa nyɛ min mu nyɔ.’

Tuma 20:30

Hali saha zi wa telu di ma Yesu nitiŋɛ ta bɔnɛ zi wa siu a suni wɛ, chen ni bɔnɛ zi purigiu a la tiŋ ba.

Tuma 5:3

Pita fun wa pɛɛsi un, “Ananias, i yogli i tɛɛnɛ ti chen, baŋnɛ i yisi malɛ ta bɔnɛ a pusi? Baŋnɛ i nyɛ sintana zu i bambi a daŋni o mur Koosa siim weri ti nan ni?

Tuma 6:13

Ba fun kpa nusun tima di ba sɛm a du un ni. Ba fun ŋɔ, “Baal nɔ yaa chɔk Koosa bar jɛɛmi dam naa o fun lisi a nyɛ o titi ni, sɔn. O gbanko yaa chɔk Koosa chiksɛ naa o fun kpa nyɛ Mosis ni chen, sɔnu.

Tait. 1:11

Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

Jems 2:7

Ba waa la sɛm wu tagna a nyɛ sɔn weri naa Koosa fun kpa nyɛ ma chen.

Jems 3:7

Nara kote a nyaŋi sel zene awa zimebisa wa duma wa ni kina maga.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,

3 Jɔn 1:10

Mu wa wa, mu wa ma zi sɛm chenani o yaa fun a yo o nɔu a la sɛm sɛm tagna a du min ni. Amaa chen duŋduŋ laata ya wu tagna oo tum. O wa zi la Yesu nitiŋɛ ba naa yaa val a la wa o wati. Hali o wa zi nyɛ o chɛnsa bɔnɛ la ba du. Ba la ba, o yaa daŋni o duŋni ba a li Yesu nitiŋɛ ta wati.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 18:23

Nandigi wa zi bu suk fitina dooni akoo a lagmi o chɛnsa di ba wa di diwe o haan fali dam ni. Nikpiŋɛ ba naa funɛ nyɛn dooni chen funɛ zim kpiŋi a kaali ba maga. Ba naa la tum tu bilima tumi a nyɛn dooni, fun mur nidamata.”

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.