Jems 3:15 - Tampulma

¹⁵ Nan zima nɔ wa li Koosa wati. O ya tɛɛnɛ nɔ tim maga kinnɛ awa alizin tagna kin.

Jems 3:15 Iomraidhean Croise

Luk 16:8

O kunyan ti funɛ nu di o nihɛɛ ti mur unu, o funɛ pɛgi un di o tum nɛha tumau.” Yesu funɛ sɛm chen peti, o fun ŋɔ o gantɛl tiŋsi ta ni, “Tɛɛnɛ nɔ maga nara yaa lagmi a tum nɛha tumawa a kaali chenani tu chaan tima tum.”

Jɔn 3:17

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Tuma 13:10

a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.

Room 1:22

Ba fun a yir ba titi ninɛɛgɛ, amaa ba funɛ burgi womniwa.

1 Kɔr. 1:27

Koosa tutɔ nɛɛ o fun lisi ba naa nibinsa yir womna di ba filimi nibin nɛɛgɛ ta, a lisi ba naa nara funɛ ŋɔ di ba wa kpak kpok di ba filimi ba naa kpak kpok.

1 Kɔr. 2:14

Nibine naa vɛ kpak siim weri ti o nyɛn un ni, o vɛ Koosa siim weri ti kinawa. A ya yɔrirɛ o wati ka o vɛ zim a muna.

1 Kɔr. 3:19

Tɛɛnɛ nɔ tim maga zima ti ya yɔrirɛ Koosa wati. Ba funɛ sɔbiu a li Koosa sɛm tɔn ti ni a ŋɔ, “O wa nyaŋi ba naa yaa kpa tɛɛnɛ nɔ tim maga zima ti aa tum tum tagna.”

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

2 Tɛs. 2:9

Tum tagin tiin ti wa wa, o zi kpa sintana kpoku a tum tum zene awa alaazibu tuma kinkan,

1 Tim. 4:1

Koosa siim weri ti biksi nyɛn gbampulim ni di saha kurgɛ wau, nibin bɔnɛ zi wa buru a tiŋ Koosa. Ba ka zi wa nu alizin tagna biksiu a kitiŋ ba naa la mur ba nɔ.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

Jems 1:5

Zima pɔɔgi ma bɔnɛ, ma sumi Koosa o kpa o zima ti a nyɛ ma. Waa kpa kina a nyɛ nara maga ni a kaali chenani o daŋni a vɛ zɛɛmi ba.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

Juud 1:19

Nara nama wara tiŋ Koosa siim weri ti nyinbaan, amaa baa ka tiŋ tɛɛnɛ nɔ tim maga nyinbaannɛ. Chendaha ba nyɛ nara purigi dɔŋ ni.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 2:24

“Ma naa nyɛn Tiataya ni a vɛ tiŋ sintana wu sogle naa o biksi nara, mu daŋni ma duŋduŋnɛ kpak mu wuti biksi ti hali mu wa bur wa. Mu wa ŋɔ ma di ma bu ya wu digi.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.