Jems 3:13 - Tampulma

¹³ Nandigi kpak nɛha awa zima a li ma niuu? O nyɛ o nyɛni awa o tum were kibiksi nara di o kpak nɛha awa zima a ya jɛrgi.

Jems 3:13 Iomraidhean Croise

Mat. 11:29

Mu biksi chi nuha pararɛ. Ma kpa un a laari ma gbaŋsi ni. Mu ya nibin jɛrgɛrɛ. Ma nyɛ mu biksi ma, ma zi hiisiu.

Mat. 21:5

O funɛ sɔbiu a ŋɔ, “Ma la a la ŋɔ tɔhɔn naa ba yir Zaiyɔn chen nara ni. Ma koora naa ya jɛrgi tiina zi zini kokum be pɔlu a wa ma wati.”

Mat. 5:5

Ba naa ya jɛrgɛ, ba zi na kin nawara Koosa fun vɔu di o nyɛ bau, a nyɛ ba tu sɔɔna.

Mat. 7:24

“Nara maga nu mu sɛm na aa tiŋ a, ba waa chi nibin nɛɛgi naa funɛ sa o dama a zɔŋ gbɛntɛl nyuhu ni chen.

1 Kɔr. 6:5

Chen deŋluu? Hiisa wa kpak ma. Ma wa kpak nibin nɛɛgɛ ba naa la zi koti a kɔɔri ma wu wisa a li ma nii?

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 8:24

Ba wa tel, ma la ba a du a nyɛ ba zim di maa daŋni bau. Ma ya chen, Yesu nitiŋɛ ba naa funɛ tum ba, zi la nɔɔniu di ma waa ya ya jirima nara.

Gal. 5:23

a ya jɛrgɛ tima, aa ya bambe tima. Ma nyɛ o suŋi ma di ma nyɛn nan, nandigi wa fun sɔbi chiksɛ di ma gil tum were na maga.

Gal. 6:1

Mu niinbisa, ma nidigi tum tum tagin, ma naa la tiŋ ya kunyan ti nɛnɛ ya jɛrgi o wati a kpaŋi a burgi o nyuha. Maa doso a ta cheli o chi un.

Gal. 6:4

Maa zaamsi ma titi chenani maa tiŋ saha maga. Maa tiŋ nɛnɛ, chen weru. Ma ta kpa chenani maa tiŋi awa ma dɔŋtima tiŋi a lagmi dɔŋ ni a ŋɔ di maa tiŋu nɛnɛ.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

1 Tim. 4:12

Nyɛ i sɛma awa i nyɛni wa chenani i daŋni nara wa chenani i si su wa i tum were, biksi Yesu nitiŋɛ ta chenani ba zi tiŋ Koosa. I ya chen, nandigi wa zi ŋɔ di i ya bichɛllɛ.

1 Tim. 6:11

Amaa i waa naa la tiŋ Koosa, ta tum tum tagna chen ni. Nyɛ i si sɛri wa tum were tumi ni ka i tiŋ Koosa nɛnɛ. Nyɛ i si su un kinkan a ya jɛrgi a kidi i namsi a kidaŋni nara maga.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Tait. 3:2

Kibiksi ba di ba fiɛŋ ba chɔk nibinsa sɔna, amaa o lawa ba ya nibin wereu awa nibin jɛrgɛ a kpak bara sɔɔna nara maga wati.

Ju 13:5

Ma ta daŋni ma ya malɛ tima. Ma nyɛ kin naa ma kpak sɔɔni ma tusa. Ba fun a sɔbi a li Koosa sɛm tɔn ti ni di o ŋɔ, “Mu wa zi kut gil ma a ta.”

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

Jems 2:18

Amaa ma nidigi zi ŋɔ o dɔŋtiin niu, “Mu si su Yesu ka i tum tum were.” Mu zi ŋɔ unu, “Biksi min chenani nar si su Yesu ka o vɛ tum tum were. Chenani mu tum tum were biksi nara di mu si su Yesu.”

Jems 3:1

Mu niinbisa, ma zim di Koosa zi wa di ya naa ya nibiksɛ sɛria a kaali ya dɔŋtima. Chendaha o wa lawa ma i a ya nibiksɛ.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

1 Pita 1:15

Waa ya tu chaan tiina. Chendaha o fun a lisi ma gbanko di ma kpak tu chaana a li ma tum maga ni a nyɛ un.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Pita 3:4

Chenani ma bambe du kaali kin nama maga. Chendaha maa ya nihaan jɛrgɛ. Wuzu digi ma salma kin ta awa ma gar were ta zi wa chɔku, amaa ma ka ya jɛrgɛ, o wa zi chɔk. Chenani maga ma du Koosa wati kaali kin naa maga ma kpak.