Jems 3:1 - Tampulma

¹ Mu niinbisa, ma zim di Koosa zi wa di ya naa ya nibiksɛ sɛria a kaali ya dɔŋtima. Chendaha o wa lawa ma i a ya nibiksɛ.

Jems 3:1 Iomraidhean Croise

Mat. 10:24

“Nibuksi wa to a la zi zim a kaali o nibiksi. Yom wa to a zen a kaali o kunyana.

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Mat. 23:14

Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Ma yaa zaami Koosa wa ma zaamirɛ a vusi a bu ŋmɛ luhaana kina. Koosa wa di ma sɛria, ma zi wa na namsiu kinkan a kaali ma dɔŋtima.))

Mat. 9:11

Ba naa funɛ ya Farisi tim ta bɔnɛ, funɛ na bau ka ba di diwe ta. Ba fun pɛɛsi o gantɛl tiŋsi ta, “Yɛrɛ ma kunyana wa wu tagna tima awa lampo nilalɛ ta lagmi a di diwe?”

Luk 16:2

O fun yir nihɛɛ ti a ŋɔ un, ‘Nandigi wa sɛm min i wɛ. Kpa tɔn naa biksi di mu nin kina maga nyɛn dooni a nyɛ min. I wa zi bu ya mu nihɛɛ wuzu digi.’

Luk 6:37

“Ma ta na ma dɔŋtima galimsa, chen ni Koosa gbanko wa zi na ma galimsa. Maa gil ma dɔŋtima tum tagna a nyɛ ba, Koosa gbanko zi gil ma tum tagna a nyɛ ma.

Jɔn 3:10

Yesu fun ŋɔ un, “I biksi i narawa ka ba nyɛ hin jirima kinkan. Yɛrɛ i vɛ zim mu sɛm na muna?

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

1 Tim. 1:7

Ba kpak unu ba bambi ni a biksi nara Koosa chiksɛ wɛ, amaa ba wa fun zim sɛm naa ba biksi chen mun.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

Jems 1:16

Mu bi daŋnɛ, ma ta mur ma titi.

Jems 1:19

Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Jems 3:10

Nɔ bɛgim tirɛ ya kpa a pɛgi Koosa. Warɛ ya vɛɛn kpa ŋɔ nɔɔsa a nyɛ nara ni. Mu niinbisa, chen wa deŋli.

1 Pita 5:3

Ma ta dɔ ba naa Koosa fun kpa a nyɛ ma aa biksi ba kpok, amaa ma titi tum o tuma a biksi ba chenani ba zi tum.