Jems 2:8 - Tampulma

⁸ Maa tiŋ Koosa koor chiksɛ naa ba fun sɔbi a li o sɛm tɔn ti ni chen, nɛnɛ di ma daŋni dɔŋa a chi ma titi, chen weru.

Jems 2:8 Iomraidhean Croise

Mat. 22:39

Nara sak un ni chi nan ni, ‘Maa daŋni dɔŋa a chi chenani maa daŋni ma titi.’

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

Mat. 25:23

O kunyan ti fun ŋɔ un, ‘I kpaŋi i titiu. I gbanko ya nibin werire a la tum tum were. Mu funɛ kpa malɛ tamnɛ a du i nin ni. I wa min zi kpak tu sɔɔnau.’

Mat. 7:12

“Ma tum wɛ were a nyɛ ma dɔŋtim ni a chi chenani maa daŋni ba tum kinyɛ ma. Ma kpa chenani Ju tim chiksɛ wa Koosa witinsa maga biksi nara a lagmi dɔŋ ni a mun chen.”

Room 13:10

Maa daŋni nibinsa, ma wa zi la nɔɔni a tum ba tum tagna. Maa daŋni dɔŋa, maa tiŋ chenani chiksɛ ta magawa biksi ma.

Gal. 5:14

Koosa chiksɛ ta digi ya a koora a biksi ya di, “Maa daŋni ma dɔŋtima a chi chenani maa daŋni ma titi.”

Gal. 6:2

Maa suŋi dɔŋa a li ma tuma maga ni. Ma ya chen, ma zi tiŋ chenani Kristo fun a biksi yau.

Filip. Tima 4:14

O funɛ weru kinkan ma suŋi min a li mu namsi ni a chi nan.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

Jems 1:25

Diga ti biksi ya chenani Koosa chiksɛ ta du. A weru hali a wa peti a biksi ya chenani ya zi gil ya tum tagna. Nibine nu Koosa chiksɛ ta a yaa lisi a naa la zi koti a yisi nara a li ba tum tagna ni wɛ a la tiŋ a a vɛ sugli, Koosa zi wa nyɛ un tu sɔɔnau a li tum naa o tum chen ni.

Jems 2:12

Wuzu digi Koosa zi wa kpa o chiksɛ naa biksi ya chenani ya zi gil ya tum tagnau a wa di ya sɛria. Adaha maa tiŋ aa kisɛm chenani la zi sɔɔni o tuha.

Jems 2:19

Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.