Jems 2:19 - Tampulma

¹⁹ Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.

Jems 2:19 Iomraidhean Croise

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Maak 1:24

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yau. Mu zimu di i ya tu chaan tiinne. I ya Koosa bere.”

Maak 12:29

Yesu fun ŋɔ un, “Chiksɛ nɔ kpok kaali a maga. Ba funɛ sɔbi a li Koosa sɛm tɔn ti ni, ‘Ju tima, maa nu. Ya kunyana Koosa ya nibɛgimnɛ.

Maak 5:7

Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”

Maak 7:9

“Ma kpa ma titi zima a tiŋ ma titi chiksi aa vɛ tiŋ Koosa chiksɛ ta.

Luk 4:34

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yaa? Min zim di i ya tu chaan tiina. I ya Koosa bere.”

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Tuma 16:17

O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”

Tuma 19:15

Alizin tagin ti fun ŋɔ ba, “Mu zim Yesu awa Pɔɔl, amaa anti ya ma?”

Tuma 24:25

Pɔɔl fun ŋɔ ba chenani ba naa se su Yesu fun kpaŋi ba titi di ba tum tum were a nyɛ un a ya bambe tima. O gbanko funɛ ŋɔ bau chenani Koosa zi wa di tɛɛnɛ nɔ tim maga sɛriau wuzu digi. Pɔɔl sɛm ta fun nyɛ hansura kpak Filiks ka o ŋɔ un, “O magu. Kila. Mu wa na nyinbaan, mu zi yir hinu i wa sɛm ya gbaari.”

Room 3:30

Koosa bɛgim duŋduŋ nyɛnɛɛ. Ju tim ta nyɛ ba se su Yesu Kristo, o wa zi bu na ba galimsa. Ba naa vɛ ya Ju tima nyɛ ba se su un, Koosa gbanko wa zi na ba galimsa.

1 Kɔr. 8:4

Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

1 Kɔr. 8:6

Amaa ya wati, Koosa bɛgim nyɛnɛɛ. Waa ya ya kunyan ti a fun naami kina maga. Ya ya o bisiwa. Ya kunyana Yesu Kristo gban ya nibɛgimnɛ. Koosa funɛ nyɛ o naami kina maga a nyɛ ya miisa.

Gal. 3:20

Amaa Koosa funɛ kpa o vɔwi ti a nyɛ Abraham ni, o wa fun te kpa un a nyɛ malaikasi ta koo nandigi ni.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

Jems 2:8

Maa tiŋ Koosa koor chiksɛ naa ba fun sɔbi a li o sɛm tɔn ti ni chen, nɛnɛ di ma daŋni dɔŋa a chi ma titi, chen weru.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.

Juud 1:6

Koosa malaikasa ba naa funɛ vɛ o nɔ a li ba bar nyɛni ni, Koosa fun kpak ba a vɔu birsi bar nyɛni ni wa kpok ni hali wuzu zen naa o zi wa di ba sɛria.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.