Jems 2:12 - Tampulma

¹² Wuzu digi Koosa zi wa kpa o chiksɛ naa biksi ya chenani ya zi gil ya tum tagnau a wa di ya sɛria. Adaha maa tiŋ aa kisɛm chenani la zi sɔɔni o tuha.

Jems 2:12 Iomraidhean Croise

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Jɔn 8:32

Ma tiŋ nan, ma zi nu wuti tiu ka wuti ti yisi ma a li yosi ni.”

Gal. 6:2

Maa suŋi dɔŋa a li ma tuma maga ni. Ma ya chen, ma zi tiŋ chenani Kristo fun a biksi yau.

Filip. Tima 4:8

Mu niinbisa, ma nyɛ mu lagmi a nama maga a ŋɔ ma. Ma yaa lisi kin naa ya wuti a kpak jirima a deŋli a chaani a wer. Kin nawara nara pɛgi, maa lisi a wɛ.

Kɔl. 3:17

Kin naa maga maa ya awa chenani maga ma sɛm, ma nyɛ a maga li ya kunyan Yesu sɔn ti ni a kizaami ya kunyan Koosa o sɔn ti gbanko daha.

Jems 1:25

Diga ti biksi ya chenani Koosa chiksɛ ta du. A weru hali a wa peti a biksi ya chenani ya zi gil ya tum tagna. Nibine nu Koosa chiksɛ ta a yaa lisi a naa la zi koti a yisi nara a li ba tum tagna ni wɛ a la tiŋ a a vɛ sugli, Koosa zi wa nyɛ un tu sɔɔnau a li tum naa o tum chen ni.

Jems 2:8

Maa tiŋ Koosa koor chiksɛ naa ba fun sɔbi a li o sɛm tɔn ti ni chen, nɛnɛ di ma daŋni dɔŋa a chi ma titi, chen weru.