Jems 2:1 - Tampulma

¹ Mu niinbisa, ma naa se su ya kunyan Yesu Kristo naa ya jirima tiina kinkan, o wa lawa ma suŋi bɔnɛ a gil bɔnɛ.

Jems 2:1 Iomraidhean Croise

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Tuma 10:34

Doone Pita fun ŋɔ ba, “Lalaknɔwa mu zim di o ya wutirɛ di Koosa wara daŋni digi a ka digi.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 24:24

Wuzu bilɛ gantɛl ni Filiks wa o haan naa ba yir Drusila, fun ŋɔ ba kpa Pɔɔl a wa ba wati. O haan ti funɛ ya Ju tim nihaannɛ. Ba funɛ daŋni ba wa un sɛm chenani nara se su Yesu Kristo.

Tuma 7:2

O fun ŋɔ ba, “Mu nyana awa mu dɔŋtima, maa nu chenani mu kaa ŋɔ ma. Ya nyana Abraham funɛ te nyɛn Mɛsɔpɔtemia pulum nɛɛ a bu la nyɛn tɔhɔn naa ba yir Haran. Doonani o fun te nyɛn chen, wuzu digi Koosa naa kpak jirima awa chaani kinkan, fun wa,

Room 1:11

Mu daŋni mu na mau kinkan, chen ni mu wa ma zi kotiu a bɔni Koosa siim weri ti papaha bɛgim di ma kpak nɛnɛ.

1 Kɔr. 2:8

Ba naa maga dɔ tɛɛnɛ nɔ maga wa fun zim zima nɔ wɛ. Ba fu zimɛɛ, ba fu wa zi kpu ya kunyan ti o daakakli ti ni.

Kɔl. 1:4

Ya funɛ nuu di ma se su Yesu Kristo a la daŋni Koosa nara nɛnɛ. Chendaha yaa zaami un chen.

1 Tim. 1:19

a kpak nɛnɛ aa tiŋ un wa tuha bɛgim ni. Bɔnɛ ka wa fun tiŋ wa tuha bɛgim a bur a chɔk ba se suuli kinkan.

1 Tim. 5:21

Mu chiŋi Koosa awa Yesu Kristo awa o malaikasa naa o lisi suwachak ni, mu ŋɔ hinu di ii tiŋ mu biksi ŋɔ. Ta nyini digi a kaali digi.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Jems 1:16

Mu bi daŋnɛ, ma ta mur ma titi.

Jems 1:19

Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Jems 2:3

ma nyɛ naa laari kiweri chen jirima kinkan a ŋɔ un, “Kila a la kani bar weri ni,” amaa ma ŋɔ fara tiin ti ni, “Chiŋi akoo kani tɛɛnɛ ti ni dooni.”

Jems 2:9

Amaa ma nyɛ bɔnɛ jirima aa gil bɔnɛ, ma galimu. Koosa ŋɔ di ma chɔk o chiksi tiu.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Juud 1:16

Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.

JɔnN Deesi 14:12

Chendaha o lawa Koosa nara ba naa la tiŋ Koosa chiksɛ nɔ ka ba vɛ bur Yesu tiŋi ni, ba li lalaknɔ namsi wa kanyita niu.