Jems 1:5 - Tampulma

⁵ Zima pɔɔgi ma bɔnɛ, ma sumi Koosa o kpa o zima ti a nyɛ ma. Waa kpa kina a nyɛ nara maga ni a kaali chenani o daŋni a vɛ zɛɛmi ba.

Jems 1:5 Iomraidhean Croise

Mat. 11:20

Yesu funɛ tum alaazibu tum damatau a go tɔsa naa duglɛ dooni, amaa tɔsi ta tima ha wa fun vɛɛn gil ba tum tagna. O fun zulimi ba a ŋɔ,

Maak 16:14

Doone Yesu gantɛl tiŋsa nara fi di nibɛgim funɛ kani aa di diwe, Yesu fun wa ba wati. O fun zulumi ba, domi ba bambe funɛ kpoku. Ba se wa fun su ba naa ŋɔ ba di o si o sou niu.

Jɔn 14:13

Mu waa naa ya Koosa be, n daŋni narawa yaa kinyɛ mu nyan ti wa jirima. Chendaha kin naa maga ma ŋɔ di mu tum a nyɛ ma a li mu sɔn ni, n zi tum au.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

2 Kɔr. 2:16

Doon naa maga ya wa tel, ya chi sɔɔr taginnɛ a li ba naa Koosa zi wa ta yɔri wati. Ya ka chi sɔɔr lɛmnɛ a li ba naa wa zim Kristo. Anti ya nikpok a la zi tum tum na a nyɛ Koosa ni?

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.

1 Jɔn 3:22

Ya sumi un kundɔŋ, o zi nyɛ yau, domi yaa tiŋ o nɔ sɛmwa a la tum tum naa la sɔɔni o tuha.