Jems 1:19 - Tampulma

¹⁹ Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Jems 1:19 Iomraidhean Croise

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Maak 12:37

Devid titi yir un o kunyana chen ni, yɛrɛ o bu kaa ya a zen a kaali un?” Zɛmɛ ta fun nu Yesu sɛma. O ya ba lɛmlɛm.

Maak 2:2

Nara kinkan fun lagmi dooni. Gbampulim wa fun to dɛ ti ni hali dɛ ti zɔɔnɔ ni. Yesu fun ŋɔ ba Koosa laaboor weri ti wɛ.

Luk 15:1

Wuzu digirɛ lampo nilalɛ awa ba naa la tum tum tagna damata fun wa Yesu wati di ba wa nu o sɛma.

Luk 19:48

amaa ba wa fun koti nara daha. Ba se funɛ sɛriu di ba nu o biksi ti.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 10:33

Mu fun vaan tum ba di ba la yir hin. I ka ya nibin weri a wa. Lalaknɔ ya maga lagmi bar nɔwa Koosa suwachak ni a pɔ di i ŋɔ ya chenani o ŋɔ hin.”

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Tuma 2:42

Ba se funɛ sɛriu di nitumɛ ta biksi ba chenani ba zi tiŋ Yesu. Ba fun kpa ba kina a wa bɔni dɔŋa a yaa sumi Koosa a lagmi a di diwe.

Ɛfɛ. 4:26

Ma na paan a du nandigi ni, ma ta kpa chen a du ma tusi ni a vusi.

Ɛfɛ. 4:31

Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

Kɔl. 3:15

Ma nyɛ Kristo nyɛ ma bara sɔɔna a dɔ ma. Koosa fun a yir ma di ma maga kpak o bara sɔɔna, chen ni ma wa un zi ya bar bɛgimu. Nan daha maa zaami Koosa saha maga.

Kɔl. 3:8

Amaa lalaknɔ ma gil a magau. Ma ta na paan a du nara ni. Ma ta chɔk ma dɔŋtim sɔna a ta pini dɔŋ zoma a ta sɛm sɛm tagna,

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

Jems 1:16

Mu bi daŋnɛ, ma ta mur ma titi.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.

Jems 1:26

Nar ŋɔ di oo tiŋ Koosa a vɛ doso wa o sɛm ni, o mur o titirɛ. O Koosa tiŋi ti ya yɔrirɛ.

Jems 2:1

Mu niinbisa, ma naa se su ya kunyan Yesu Kristo naa ya jirima tiina kinkan, o wa lawa ma suŋi bɔnɛ a gil bɔnɛ.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

Jems 3:10

Nɔ bɛgim tirɛ ya kpa a pɛgi Koosa. Warɛ ya vɛɛn kpa ŋɔ nɔɔsa a nyɛ nara ni. Mu niinbisa, chen wa deŋli.

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

Jems 5:12

Mu niinbisa, a naa kaali a nama maga, o wa werwa ma hɛɛsi Koosa tɔha akoo tɛɛnɛ nɔ maga koo kundɔŋ maga. Ma la nɔɔni akoo ma wa la nɔɔni, a ta hɛɛsi, chen ni ma wa zi zu Koosa sɛria bar diili dɛ.

Jems 5:19

Mu niinbisa, ma nidigi wa nyuksi wuti nyinbaan ti ka ma nidigi bu kpa un a bur wa,

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.