Jems 1:12 - Tampulma

¹² Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

Jems 1:12 Iomraidhean Croise

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Luk 6:22

“Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.

Room 5:4

Ya kanyita ti la zi biksi nara di Koosa dɔ ya. Chen nyɛ ya bambi bɛgim kpok un ni a gbaari.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

1 Kɔr. 2:9

Ba funɛ sɔbiu a li Koosa sɛm tɔn ti ni a ŋɔ, “Koosa funɛ kpa wu werewa a chiksi ba naa la daŋni un. Nibinsa se ha wa na a, akoo nibinsa diŋsa ha wa nu a wɛ. Nibinsa wa lisi di o zi wa ya chenu.”

1 Kɔr. 8:3

amaa nar la daŋni Koosa, warɛ Koosa zim.

1 Kɔr. 9:25

Nar la buksi chɔchɔha, o yaa kpak o titirɛ a li kina maga ni. O yaa chɔu di o la di nyuchik naa ba yaa kpa a chik o nyuha. Nara yaa chɔu a la di ba la di papaha. Chen papaha ti wara vusi a la chɔk, amaa ya waa chɔu di ya la di papaha naa la zi vɛ wa chɔki.

2 Tim. 2:15

Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

Ju 10:32

Maa lisi chenani ma se fun te su Koosa ka ma tiŋ un nɛnɛ. Ma funɛ na namsiu kinkan, amaa ma tiŋi wa fun chɛrgi.

Ju 11:17

A gantɛl nɛɛ Koosa fun tiŋ chenani o fun vɔu a nyɛ Abraham ni a nyɛ o lul be, a du un Aizik, o fun zaamsi un a ŋɔ un di o kpa o be a la kɔɔri kɔɔra a nyɛ un. Abraham funɛ saksi di o kpu o be ti, o si ha fun vɛɛn su Koosa.

Ju 12:5

Ma nyɛ mu lisi ma chenani ba fun a sɔbi a li Koosa sɛm tɔn ti ni di o kpami ma naa ya o bisa. O fun ŋɔ, “Mu be, mu wa buksi hin, i nu mu sɛma nɛnɛ. Mu zulimi hin, ta nyɛ i tuha chɔki.

Ju 6:15

Abraham funɛ kpak kanyitau. Chendaha o fun na chenani Koosa fun vɔu a nyɛ un.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

Jems 5:11

Ba tusa sɔɔnɛu lalaknɔ, domi ba funɛ di ba namsiu. Ma lisi chenani Jop fun di o namsi saha digi. Ma zimu di Koosa funɛ nyɛ o namsi chen, di o ɔm un siki a suŋi un.

1 Pita 3:14

Hali maa namsɛɛ di ma tum were daha, yɛrɛ ma tusa kaa wa sɔɔni? Chenani nibinsa zi wa ya ma, ma ta nyɛ hansura akoo muksi wa kpak ma.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

1 Pita 4:14

Nara pini ma zoma maa tiŋ Kristo daha, ma gbanko nyɛ ma tusa sɔɔni. Nan biksi ma di Koosa funɛ kpa o siim weri naa kpak o jirima kinkan a du ma bambe ni.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.

1 Jɔn 4:19

Ya daŋni unu domi waa te a biksi ya di o daŋni yau.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 3:19

Mu zulimi ba naa maga mu daŋni a biksi ba ba tum tagna. Ma gil chenani ma funɛ tum a kpak si sɛm awa mu tiŋi ni.

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.