Gal. 4:8 - Tampulma

⁸ Saha digi ma wa fun zim Koosa. Ma waa funɛ zaami a tiŋ kin naa chi a ya Koosarɛ. A wa ya Koosa hali tama.

Gal. 4:8 Iomraidhean Croise

Jɔn 1:10

Yesu Kristo funɛ wa nyɛn tɛɛnɛ nɔ nɛɛ. Koosa fun nyɛ o naami un awa kin naa maga nyɛn un ni, amaa tɛɛnɛ nɔ nara wa fun zim nibine naa ya un.

Tuma 14:12

Ba fun du Barnabas sɔn digi Zuus. Pɔɔl ka funɛ di sɔn digi Hɛmis, domi waa yaa funɛ sɛm sɛm ta.

Tuma 17:23

Mu funɛ valu a go ma tɔhɔn ti a na ka ma nyɛ a jirima. Hali mu fun na digi ka nandigi sɔbi un ni, ‘Koosa naa ya vɛ zimi nɛɛnɛ.’ Koosa naa ma nyɛ jirima a vɛ zimi nan, o wɛwa mu kaa ŋɔ ma nan.

Room 1:23

Ba fun a nyɛ kin nawara chi nibinsa awa zimebisa awa sela awa kipalɛ jirima a kpa a chiŋsi Koosa bar jɛɛmi bar chiŋsi ni. Waa nyɛnɛɛ hali saha naa vɛ kpak bɔ.

Room 1:28

Ba wa fun lisi di o deŋlu di ba zim Koosa. Chendaha o fun kpa ba a ta a nyɛ ba burgi nara a lisi wu tagna a la tum tum tagna a naa vɛ deŋli,

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 12:2

Ma zimu di saha naa ma ha fun vɛ zim Koosa chen, vursa a naa vɛ kpak miisa chen, funɛ dɔ ma a nyɛ ma nyuksi.

1 Kɔr. 8:4

Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

Gal. 4:3

Chen vɛɛna, wu damata awa chiksɛ funɛ te dɔ ya a nyɛ ya burgi a yosa ka ya zi wa zim Yesu Kristo.

Ɛfɛ. 4:18

ka ba se fun vɛ lɛli. Ba se kpoka wa fun nyɛ ba zim Koosa. Chendaha o vɛ koti a kpa o mi fali ti a nyɛ ba.

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

1 Tɛs. 4:5

Ma ta daŋni nihaana yɔri yɔri a chi ba naa vɛ zim Koosa.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

1 Pita 4:3

Saha digi ma wa ba naa funɛ vɛ zim Koosa, funɛ lagmi dɔŋ ni. Chenani ma funɛ tum tuma a chi ba, chen saha ti funɛ magu. Ma funɛ tum chɔkumsi tuma a la daŋni ma titi daŋnɛ ka ma wa ma chɛnsa lagmi a di diwe a la nyɔ sin di ma dɛɛsi aa la nyɛ vursa wa jirima yɔri yɔri.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.